在一起

 今天就你和我，在一起 💖

自相矛盾

人能長生不老嗎？衰老是每個人無法避免嘅過程，但抗老化，減低身體因老化而帶來嘅痛苦，是我們嘅目標。我們想要的不單是外貌，同時希望身體能健康一點，可以盡情享受生活。是時候要重新審視我們的生活習慣，減少違規行為。

 

Art Basel 2022

Art Basel 又來了，星期五的下午人流不算太多，我們花了一個半小時就觀賞完畢。今次我在觀賞藝術展品，而人家就在睇真人展品 😅 算是各得其所吧！

我唔想跟你姓麥

四年冇沖涼， 夏天快到， 非常嗱渣嘅「蝙蝠俠」要沖涼啦。洗完白白，乾淨晒！

幫你打個卡先 ✌️ 😂 

一場比賽

比賽論輸贏，無論你喜歡與否，極力爭取戰勝對方是比賽嘅目標，因為你贏我輸，我贏你輸！

兩人一起生活，無可避免總會在日常生活中，因小事而爭拗。因為你我有著不盡相同嘅性格和成長經歷，爭拗是兩人磨合必經嘅過程。 如雙方願意花氣力去爭拗，就代表彼此之間還存有愛，願意為改善關係而努力。希望通過爭拗，了解對方嘅諗法，找出兩人嘅平衡點。所以，爭拗並非壞事，重點係『你我如何面對每場嘅爭拗』。

本來是小事一樁：

A：點解咁臭嘅？
B：我隻腳有汗囉。
A：你係唔係香港腳呀，不如睇吓醫生啦。
B：睇咩醫生呀。我都唔係香港腳，之前講過啦，你又講。 
A：我都係關心你啫。
B：你語氣差，態度唔好，你以前都唔係咁樣。
A：我點樣態度差呀。
B：你係盤緊我，我最憎人盤我。
。
。
B：你怕我嘅香港腳，咁分開住啦！ 

當時A君好努力地『不斷解釋點解咁問』，而 B君就『起勁地投訴A君態度同語氣』。其實大家都覺得被『屈』了，『戰爭』就係咁『一觸即發』！大家都在打怪獸，希望戰勝對方，爭拗誰對誰錯，大家越想證明自己冇錯，其實越會兩敗俱傷。有些事情，並不是越辯越明，只會越描越黑。就正如 pillow talk，『依家唔係辯論嘅時候』。所以雙方只有放棄『對與錯』嘅爭辯，明白這次爭拗只係『角度問題』，而唔係『是非問題』。在爭拗中，唔再極力地駁倒對方。因為往往爭拗只是『情緒嘅發洩』，所以『先處理情緒，再處理事情』。否則爭拗過後只會傷咗感情，而事情又得唔到解決。 好彩最終這個『臭腳事件』很快就得到解決。

緊記：我們不是在比賽，贏咗場交，輸咗個家。
We are lover, not enemy :)

原來隻怪獸係這對拖鞋，琴晚巳經『清洗和消毒』 ✌

 

我們的故事

原來我和他一起巳經二十幾年了，幸好你還是保養得不錯。 在我人生最艱難嘅時候，有你相伴，謝謝你為我帶來溫暖，今天我們的家庭成員越來越多，每位成員嘅加入，背後都有一個小故事，你們知道嗎？

Top Gun: Maverick

1986年上映嘅第一集『壯志凌雲』是我們嘅集體回憶，當時票房大收，而湯告魯斯就在全球爆紅。愛人一直很期待第二集上映，等了又等，今個月終於有得睇啦。

鹽焗奄仔蟹

第一次嘅「鹽焗奄仔蟹」，做法好簡單，只用了2斤粗鹽和一茶匙的五香粉。其實味道是可以的，但今日買的奄仔蟹有點細，所以能吃的不是太多呢 😜 。下次再整時要記得「不要去除蟹後面個 pat pat 位」，只要揭開唧走排泄物，因為今次有不少的蟹膏流了出來，浪費了！ 

* 先炒熱粗鹽，再加五香粉，加入五香粉後要小心，五香粉易被炒燶。當鹽夠熱，先拿走一半嘅鹽，將蟹排在鹽的上面，把剛才拿起的一半鹽放在蟹的上面，焗了10分鐘。

美食之旅：香港篇 欣圖軒

集星行動中，一早收到花，是五月嘅牡丹花。可能是太過開心，忘了相機食先，只影了以下幾款點心 😜 嫲嫲大愛當中那款「浮誇」嘅甜品 - 冰鎮芒果西米露。

Yan Toh Heen (欣圖軒) : 2022 / 2 Stars

Regent Hong Kong

18 Salisbury Road, Kowloon, Hong Kong

https://hongkong.regenthotels.com/zh-hant/yan-toh-heen/

https://guide.michelin.com/hk/zh_HK/hong-kong-region/hong-kong/restaurant/yan-toh-heen