賜教

這個健康小食很常見，我一直稱它為「牛油果醬 / Avocado Spread」。原來正確名稱是西班牙語的 Guacamole "(g) waka' mole" ，來自一位喜歡這小吃嘅小朋友 👍。 

深層睡眠的重要

深層睡眠 (Deep Sleep) 是睡眠周期嘅一部份，進入深層睡眠時大腦和身體都陷入低度活動嘅狀態。人們說年紀越大，睡眠質素就越差。但我認為我嘅睡眠質素從來都不是太好，很多時候大腦都無法真正休息， 身體在睡眠時也未能好好放鬆，早上起來常感疲倦。近年開始使用 apple watch 嘅睡眠偵測 App 記錄每晚嘅睡眠狀態，希望能夠改善因膊頭酸痛，而引致嘅頭暈問題。過去幾年通過運動，改變生活習慣，服用補充劑等方法，有效取得足夠嘅深層睡眠。足夠嘅深層睡眠能回復身體的能量、促進細胞再生、增加肌肉的血液供應、幫助身體組織，骨骼的增生與修復，另外更可以強化免疫系統。 

因疫情嘅出現，改變了我們嘅生活習慣，最近嘅深層睡眠時間確實差了很多，數字說明一切，我要好好正視這個問題了！

 

香辣軒

長老投訴：我就快發霉啦！由於第五波疫情嚴重，就算打咗針，都唔敢出街食嘢。人都快發癲了，橋王就咁樣獻計 - 食 Noddy 外賣 😋😋 

 

數字的奧秘

阿拉伯數字簡單易懂，跨越國界。 他不僅是一個很好嘅象徵， 還擁有一個吸引人嘅形狀。 這些數字令人着迷，我也大愛「十數」。

幸運遇見你

今朝醒來。。。幸運地遇見這樣的絕景 - 雲海，這麼多年都是第一次，實在太美了！

 

自家餃子

雖然不是時常買包裝好嘅急凍餃子，但在姐姐放假嘅日子，香煎餃子配一碟白灼蔬菜或者一碗湯麵，是愛人喜愛嘅自家午市套餐。只要在雪櫃中拿出來，用易潔鑊煎香，實在方便快捷。而且比起街外吃的油份少啲，味道冇咁鹹。 但鍾意的那款餃子最近一直無貨，疫情時被困家中，找回以前嘅餃子食譜，再次包起餃子來。 

重新調整食譜，試整咗好幾次，白老鼠們都喜歡，自己也滿意，終於可以將食譜寫出來：

多菜少肉餃子：

免治豬肉/雞肉：300克
餃子皮： $6 （大約有 30-35隻）
蔥 / 芫荽： 隨意

蔬菜 （重量按未清洗前計算， 每款菜所需嘅份量不同，可按個人喜好選擇
1）椰菜： 300克 or
2）白菜：400克 or 
3）韭菜：220克 （韭菜味濃，可不加蔥/芫荽） 

調味料：
鹽：1.5克
水： 1.5  湯匙
豉油： 1.5  湯匙
糖：2克
酒：1湯匙
薑蓉：30克
胡椒粉：少許
麻油：2湯匙

1） 將免治豬肉放入大碗之中， 先加鹽，挞一下啲肉，之後逐少加水落豬肉中， 又再挞一下啲肉，就好似整蒸肉餅咁將啲豬肉整鬆，否則包出嚟嘅餃子會好實， 就唔好食㗎啦。

2） 將其餘嘅調味料一個一個咁放入豬肉之中， 攪拌均勻。

3）預先，清洗乾淨選用嘅蔬菜，用廚房紙印乾水份， 切碎， 用手將蔬菜嘅水份揸出，但不要太大力。

4） 將蔬菜加入條好味嘅豬肉之中，攪拌均勻。

5） 預備一些水，包餃子時用。

6） 包好嘅餃子，可以放入冰箱保存。