奇亞籽楊枝金露

奇亞籽是近年大熱的 Superfood， 它含高纖維，蛋白質和奧米加3。今天我在 Green Common 學了這個超容易又美味的甜品 “奇亞籽楊枝金露”，相信這個只用 Real Food 做的甜品一定常駐我家。Green Common真的很好，這個甜品示範不但費用全免，還送每位學員一小包 “奇亞籽”，樣我們把健康的 superfood 帶回家。

2014 不一樣的月餅

今年中秋的天氣麻麻地，我們只能在雲層間賞月。長老揀了"打邊爐"來興中秋，今年不齊人所以早了起動，很快就吃完晩飯，送完他們上船後時間尚早，人潮未至，我倆決定去誠品，愛人買雜誌，而我就去吸取靈感。

雖然我不愛吃月餅，但中秋又點可以無月餅呢，在人月倆團完的日子，有人吃傳統月餅，有人吃雪糕月餅，而我們呢～就吃羅漢果啫喱月餅！

羅漢果Jelly

材料：

羅漢果  半個 

水 ....500ml

魚膠粉....25g

消暑西瓜涼粉

”愛人最愛起床後向我說：給我切點西瓜可以嗎？“
”我會這樣回答：你是我的愛人當然無問題！“

西瓜又甜又多汁作為早餐的前菜當然不錯, 但兒時的我不喜歡食西瓜, 就因為怕它多核和多汁。記得小時候家人愛買一個大西瓜回家, 把舊報紙當枱布, 一隻巨形西瓜在大刀一切後, 一分為二, 再切成一片片, 各人用手拿著大口大口的吃。要快吃呀, 因為西瓜很多汁, 汁會滴在手上, 我就是很怕這種滿手西瓜汁的感覺。成長了, 知道錯不在西瓜, 只是 presentation 的問題, 現在我家的西瓜是這樣 present 的 ；）

西瓜配涼粉是炎夏消暑之選，
上次遊台在機場購買的即食涼粉！

蛋白杏汁

蛋白杏汁和蛋白杏仁茶有咩分別？ 原來加左白米就叫蛋白杏仁茶，無加米就係蛋白杏汁。今晚為t-robot 預備嘅甜品係蛋白杏汁少甜版，

2人份(小甜版）

==========
杏仁 60g

水 2 杯
冰糖 18g
蛋白 2隻

＊如要做蛋白杏仁茶，加白米 1湯匙

做法：

1）杏仁用冷開水浸3小時，將浸透杏仁放入攪伴機加水1.25杯，用高速打4分鐘。

2）將打碎杏仁到入放了布袋的大碗內，然後用手將杏汁從布袋擠出，直至擠盡杏汁為止。

3）將杏仁渣放回攪拌機，加水0.75杯，高速打3分鐘，重覆（2）。

4）將2和3 擠出的杏汁和勻，如不即用，放入冰箱保鮮。

5）將冰糖搗碎，將杏汁放入小鍋內，加入冰糖，置中火上，不時攪拌至杏汁燒開，改用小火。

6）將蛋白加入，邊倒邊攪至加完為止，關火，加蓋，焗1分鐘。

陳皮燉雪梨

天氣開始乾燥，飯後做左個清甜滋潤嘅陳皮燉雪梨俾 t-robot 享用，做法非常簡單。

材料：1人份

＊＊＊＊＊＊

陳皮1／2角，切絲

雪梨1個，去皮，去芯

冰糖 18g

水 130g

檸檬 1小角 （加入檸檬可使雪梨保持雪白）

做法：

將所有材料放入燉盅燉1小時30分鐘。

北海道牛奶布丁(輕盈版）

Milk Top 牛奶布丁一杯＄20覺得好貴, 不過個樽仔可以循環再用, 有時都會買番屋企食。但係自家製嘅牛奶布丁可將『至肥』材料降低, 咁就更good 啦, 仲可以加入鍾意嘅Topping, yummy...

北海道牛奶布丁(輕盈版, 4小杯）

**************************************

北海道牛奶...360克

淡忌廉...70克

糖...2湯匙
魚膠片...10克

做法:
1. 魚膠片浸凍水至軟身備用 。
2. 牛奶, 淡忌廉, 砂糖及魚膠片隔熱水坐溶。
3. 將混合物用篩隔好, 放入雪櫃雪1小時即成 。

宇治抹茶豆腐布甸

天氣開始熱, 又係豆腐布甸出場嘅時候啦, 豆腐布甸好掛住你呀！我用左係大板買番黎嘅『宇治抹茶粉』做依個布甸, 做出黎嘅顏色就好正啦, 唔知味道點呢？
*抹茶粉係送俾料理達人嘅至佳手信, 食譜按這里

雙拼

一直鼓唔起勇氣再做第一次就失敗了嘅「杞子桂花糕」, 因為整得實在太難食！一個忽發奇想：通透嘅桂花糕 crossover 雪白嘅杏仁豆腐, 唔知味道會點呢? 會係: 又有桂花味, 又有杏仁味, 岩味岩晒你 。定還是: 太多桂花味, 杏仁味就無碇企, 等到杏仁味多翻黎, 桂花味又唔爭氣。。。結果係: 桂花味無定企。




桂花糕材料
熱水... 125ml
凍水...100ml
魚膠粉...12g
糖...40g
桂花糖...1湯匙

桂花糕做法：
1) 將魚膠粉加糖混合, 加入熱水拌勻至完全溶解。（可坐熱水加快溶解）
2) 將桂花糖加入拌勻後, 再加入凍水拌勻。
3) 倒入模中待涼後放入雪櫃內雪約30分鐘。
4) 凝固後將杏仁豆腐慢慢倒在桂花糕上,放入雪櫃內凝固。

杏仁豆腐材料及做法

杏仁豆腐

用杏仁磨汁做出黎嘅杏仁凍豆腐會比用杏仁香精好味嗎? 用野生嘅龍皇杏確實麻煩D, 又要去皮又要磨汁, 但做出來味道真係好好多喎, 工夫多D都值得啦!





材料: 食譜來源~蘋果日報
北海道牛奶 ... 200毫升(我用左高鈣低脂奶）
龍皇杏(什麼是龍皇杏?) ... 50克
砂糖 ... 2湯匙（我減了甜, 1.5湯匙）
魚膠片 ... 5克
水 ...100毫升

做法:
1. 杏仁去皮後加水倒入攪拌機打至稀糊狀, 倒入魚湯袋隔渣成杏汁 。
2. 魚膠片浸凍水至軟身備用 。
3. 牛奶加杏汁, 砂糖及魚膠片, 隔熱水坐溶後倒入碗 。
4. 放入雪櫃雪30分鐘即成 。

法式燉蛋系列(2) ~ 薑汁

收到啦, 知你鍾意抹茶味! :)
今日work from home, Lunch試做薑汁味, 減左5g嘅鮮奶, 加左10g嘅薑汁, 登登登登...心形薑汁燉蛋, 面層香脆內里軟滑, 你會唔會變心呢？依個甜品實在太太太簡單, 用左10分鐘個燉蛋已經預備好可以入爐, 如果唔係整薑汁較煩...可以更快手! 我覺得薑汁比抹茶更好味, 唔知同心情有無關係呢? ;P

法式燉蛋系列(1) ~ 抹茶

原來我大家姐好鐘意食『法式燉蛋』,依款甜品材料簡單, 好味易整配搭多, 加抹茶變抹茶法式燉蛋, 加芝麻就變芝麻法式燉蛋, 加薑汁當然就係薑汁法式燉蛋啦, 『你』鍾意邊款多Ｄ呢, 話我知下次整俾你食？依款甜品無難度, 唯一唔少得係『一枝槍』, 一枝安全好用嘅火槍。一槍在手, 要焦唔洗憂！

hahaha...焦糖無得走！燒得好焦呀。



材料：2 杯份
忌廉...100克
牛奶...100克
糖...12克（我減了糖, 原食譜15g）
抹茶粉...1茶匙
蛋黃...4隻
雲呢拿油...少許

做法：
1. 用少少熱水將抹茶粉開成抹茶水(不要直接將抹茶粉倒入鍋中, 否則很難拌勻。）
2. 將糖,忌廉,牛奶放入鍋中用小火煮至將滾, 熄火加入雲呢拿油拌勻。
3. 將蛋黃打散, 倒入（2）中拌勻, 過篩, 倒入焗杯中。
4. 預熱焗爐120度, 坐水焗約35分鐘。出爐後稍放涼, 在燉蛋表面灑上砂糖, 用火槍燒至焦糖即成。

芝麻湯圓＠元宵

元宵佳節又點少得人月倆團圓嘅『月亮』同『湯圓』呢，一面望住個月亮, 一面食湯圓, 團團圓圓, 為52年來最圓最大嘅月亮 Cheer :)

湯圓皮: 糯米粉1杯, 冷水大約1/2杯
餡料: 芝麻醬

做法可看這里

*雖然比起第一次有進步, 但外形唔夠好, 下次再努力！

薑汁梳乎厘

Bookmark咗依個食譜好一段時間, 終於有機會試下, 第一次做得麻麻地, 這個甜品一定有下次！

薑汁梳乎厘 (2人份, 2 x 9.5cm x 6 cm 烤杯）
材料：
薑汁... 30g
砂糖 ... 25g (原食譜50g, 我喜歡少甜, 糖份減半, 甜味剛好）
蛋黃 ... 2隻
蛋白 ... 2隻
低筋麵粉 ... 26g
淡忌廉 ... 80g (原食譜90g, 但屋企係得咁多）

1. 將2個mixing bowl放入雪櫃雪15分鐘, 備用
2. 用200度火預熱焗爐
3. 將其中1個mixing bowl取出, 將淡忌廉用攪伴機打至8成企身, 再加入薑汁及麵粉, 用膠刮拌勻備用
4. 將蛋黃+2/3砂糖用攪伴機打至奶白色濃調狀, 再倒入忌廉麵粉漿內用膠刮輕手攪勻, 備用
5. 將另1個mixing bowl取出, 將蛋白用攪伴機打至8成企身, 將剩下1/3砂糖倒入, 用攪伴機打至9成企身, 再倒入忌廉麵粉漿內用膠刮用FOLD-IN方法攪勻
6. 將混合好既忌廉麵粉漿倒入梳乎厘小杯內, 190度入焗爐20分鐘, 至金黃
　＊如未升起就焗耐少少, 如見變焦就表示焗得太耐或火力太猛

一個人嘅星期天：Scone, 墨西哥薄餅 & 茶凍

今日可以任性Ｄ啦, 鍾意煮咩都得, 只要【老子高興】, 因為愛人出左Trip。。。哈哈哈

＊Sunday Brunch
提子 Scone
琴日喺Sogo見到有 Kyoho Grapes【巨峰提子乾】, 用嚟做 scone 會唔會好味Ｄ呢, 一盒特價28大元，用左少少嚟做 scone, 本來依２小個 scone 係今日嘅早餐，點知變左brunch。






食譜 ：(２小個)
高筋麵粉... 25g
低筋麵粉... 25g
發粉 ... 2.5g
牛油... 12g
牛奶 ...20g
雞蛋 ... 13g
糖 ... 5g
提子乾 ... 7g

做法：
1) 麵粉及發粉過篩後雪凍(約10分鐘), 加入切丁牛油(不用室溫), 用手將牛油及麵粉均合至沙粒狀
2) 牛奶和雞蛋從雪櫃取出, 加入糖拌勻後, 倒入(1)中, 以切拌型式將粉糰混和
3) 加入提子乾後, 將麵糰搓成一團, 放入雪櫃1小時
4) 取出麵糰, 擀成2cm厚, 再放入雪櫃1小時
5) 造型後塗上蛋汁, 180度焗15分鐘至金黃色
**食譜來至vanlily breadessert


＊Early Dinner
黑椒牛柳墨西哥薄餅
餡料：
牛柳 ...１件 (切條）
翠肉瓜 ... 半個 (切長條)
洋䓤 ... 半個 (切長條）　
黑椒 ...適量 (調味用）

墨西哥薄餅：（2塊）
1）All purpose 麵粉 ...60g
2) 發粉 ... 1/3茶匙
3) 鹽 ... 少許
4) 油 ... 1/3湯匙
5) 水 ... 30g

1) 將 1-3 項材料過篩後加油混合，而水就可以遂少加，將麵糰搓勻至光滑唔黏手就可以 (D水唔一定要全部落晒）
2) 將搓好嘅麵糰分成2份, 靜置20分鐘後擀平
3) 用白鑊將擀平嘅薄餅烘至乾身

原來薄餅咁易整，以後可以成日墨西哥啦　:)　
謝謝這位網友嘅食譜~大少奶's Delicatessen

＊Dessert
Lego 梅子綠茶凍


































＊Life is wonderful ~ 今日好充實呀！

抹茶豆腐布甸，一試便愛上！

又易做, 又好味，我巳愛上它！
抹茶豆腐布甸食譜：
以下是我更改了的輕盈版（原食譜來自Miss Jubie）

材料：（約７個布甸杯）
滑豆腐 350g
牛奶 433g（用了高鈣低脂奶）
淡忌廉 107g (原食譜175g, 我減了39%)　
抹茶粉 7茶匙（原食譜5 .25茶匙, 我鍾意濃Ｄ，加至７茶匙）　
糖 40g (原食譜87g, 我減了54%)　
魚膠粉 3.5 茶匙
水 10.5 茶匙

做法：
1.　抹茶粉及豆腐用攪拌器打勻
2.　用水將魚膠粉開好（可用熱水座溶）
3.　牛奶及淡忌廉煲熱至起泡，離火後加入砂糖拌勻
4.　將煮熱了的牛奶及淡忌廉逐少加入抹茶豆腐漿內攪勻, 先加入少許熱奶攪勻, 再將剩餘的奶加入（這樣會較容易混合）
5.　將魚膠水加入抹茶豆腐漿, 將合物用篩隔好（這樣Ｄ抹茶豆腐布丁會滑Ｄ）
6.　將抹茶豆腐漿入布甸模，放入雪櫃雪凍最少3小時

＊＊原食譜建議用日本絹豆腐，而我選用了350g 維他山水豆腐，做出來分別不大，但較易買到。