快樂童話

婚姻唔係童話故事嘅結尾，而係真正挑戰嘅開始。一對男女相處耐咗，激情退去，生活確實會變得好平淡。要將「童話故事」延續落去，現實中唔係靠魔法，而係靠兩個人點樣喺枯燥嘅日子入面，不斷為對方注入「營養」。將枯燥變成「藝術」嘅心得：

1.  接受「平淡」係另一種幸福：童話故事往往停喺「王子同公主幸福咁生活落去」，但現實嘅幸福係由無數個平淡嘅細節組成。由「驚天動地」變成「細水長流」，一齊行超市、一齊打機、甚至係安靜咁坐喺隔籬各做各嘅嘢，呢啲都係一種默契。要學識欣賞嗰份「只有你先懂我」嘅安定感。

2. 「儀式感」係關係嘅維他命：枯燥係因為生活失去咗重心，需要有一啲專屬我哋兩個人嘅「小儀式」。每晚你放下工作，先安頓我上床瞓覺，我們的睡前儀式～ Pillow Talk。

3. 將「意見分歧」變成「加深了解」嘅機會：就好似「行李篋事件」，分歧係必然嘅，關鍵係你點樣解讀。藝術喺於「轉念」，當對方黑面或者發脾氣，可唔可以停一停，諗下佢背後係咪有恐懼或者壓力？唔好贏咗場交，輸咗個家，藝術家喺創作時會不斷調整角度，我倆都要學識「退一步」。有時承認自己「唔識處理」或者「需要對方幫手」，反而係最好嘅連結。

4. 保持「獨立」與「欣賞」：兩個人走得太近，好容易會睇唔到對方嘅優點，只見到放大了的缺點。保持好奇心：試下用「外人」嘅角度去欣賞對方。要有自己嘅生活： 兩個人唔係要變成同一個人，而係兩個獨立、健康嘅個體一齊行。我有我嘅目標，你有你嘅追求，互相欣賞對方發光嘅樣子，關係先會有活力。這就是我們和而不同的相處之道！

💬 小總結：

童話故事嘅延續，唔係因為我哋冇遇到問題，而係因為我哋願意喺每一次「骨折」之後，都一齊補鈣，一齊復健。將經營婚姻想像成「養生」：唔係等到有病先去醫，而係每日都要補啲，I love you 😘😘😘😘😘😘

人生劇本

呢啲古文係好難明，好彩依家有 AI 幫手解說。我搵咗『弦月兔居士』幫忙，將我哋後生嗰陣搵鐵板神算師傅出嘅批文合併解讀。

合併完之後真係好得意，我哋呢份「2 合 1」嘅人生劇本，原來係咁精彩。我哋嘅婚姻，從來唔係邊個依附邊個，而係兩個成熟、獨立、喺社會都有生存能力嘅人走埋一齊。雖然相處時充滿火花，甚至成日因為「主見」而有爭執，但原來呢啲「火花」就係我哋命定嘅溝通方式。呢種「嘈唔散」嘅特質，係因為我哋大家都經歷過人生起跌，更加明白呢段關係有幾重。

你係「龍」（心高氣傲），我係「鳳」（剛柔並濟）。「龍鳳相交」雖然會經歷「龍虎爭鬥」，但呢種火花，其實就係「良緣匹配」嘅另一種展現。

【各自精彩、互相尊重、命定相隨、永不分離】 ——呢幾句說話就係藏喺批文入面嘅靈魂，最能夠形容我和你呢段「宿命伴侶」之間嗰種奇妙嘅張力。

捧腹大笑

今晚 Jimmy O.Yang On Stage with UBS 個Show 真係好好睇，完全冇冷場，由頭笑到落尾。整晚嘅笑話都係圍繞我哋熟悉嘅國家，同埋文化。用語簡單，所以聽得明，要有共鳴先至識得笑。佢有段「孝子」笑話嘅邏輯非常之有佢嘅風格：個笑話大意係講 Jimmy 嘅父母（特別係佢老竇 Richard）係典型嘅香港移民家長。對佢老竇嚟講，世界上只有幾份職業係「正當」嘅：律師、醫生、或者喺投資銀行工作。當佢同老竇講要做 Comedian（喜劇演員）嗰陣，佢老竇係極度失望，覺得呢行「唔係路」。

Jimmy 講：「我老竇當年最想我入 UBS 或者呢啲大銀行做，覺得咁先係成功。我當年冇聽佢話，走咗去做戲、講棟篤笑。但係點估到，今日 UBS 竟然要俾錢請我番嚟講嘢。所以我今晚企喺呢度，其實已經圓咗我老竇個夢——我終於入咗 UBS 工作喇！」用呢種自嘲方式帶出咗佢身為亞裔喜劇演員嘅奮鬥史，同時又好得體咁「擦」咗主辦單位鞋，亦令全場觀眾非常有共鳴。

我同愛人講：「雖然呢張飛係 UBS 送嘅，但老實講，就算要我自己出錢買飛入場我都肯，因為真係好笑到值返晒！」多謝你陪我渡過一個非常快樂的晚上！💖

西面之亂

喺一段健康嘅關係入面，兩個人就算性格唔同，但呢種「黑面 vs. 爆粗」嘅對抗，其實雙方都喺度進行緊「情緒暴力」。以下係呢種相處方式嘅深度拆解：

1. 老婆「黑口黑面」：冷暴力帶嚟嘅心理壓力 。雖然老公好反感老婆呢種態度，但其實老婆「唔出聲、黑口黑面」本身就係一種攻擊。老婆呢種做法會令老公覺得被無視、拒絕溝通，慢慢積埋好多挫敗感同憤怒。老公可能會覺得自己被「情緒勒索」，所以先會產生咁大反彈。

2. 老公「講粗口發脾氣」：語言暴力同情緒失控。老公發脾氣爆粗，呢種回應方式絕對有問題，破壞力甚至比「黑面」更強。粗口唔止係發洩，仲係一種威嚇同羞辱，會破壞婚姻入面最基本嘅「尊重同安全感」。爆粗代表老公選擇用最原始、最傷人嘅方式嚟攞返「權力感」。佢越鬧，老婆就越唔敢出聲同黑面；而對方越黑面，老公就越覺得被冷落，結果鬧得更勁。

3. 點解呢種模式係「骨骼不穩」？
   婚姻中的溝通就好似人體骨架，「黑口黑面」好似「骨質流失」，無聲無息咁掏空一段關係；而「爆粗發脾氣」就好似「急性骨折」，每次爆發都喺度摧毀緊個結構。如果兩個人都唔去處理呢種溝通問題，呢段婚姻嘅「骨架」遲早會徹底崩塌，支撐唔到日常生活，讓問題繼續落去，最終會發展成為「溝通癌症」，到癌症病發時才處理，已經太遲了。 

4. 拆解夫妻之間當時嘅相處狀態：
   🔍 老婆方面：「黑面」是無權者的抗議，是因為她已經溝通無效（講過好多次、又唔係趕時間）。當一個人的訴求被長期忽視，她會陷入「習得性無助」，是「無聲的憤怒」。 老公問「如果個行李太重攞唔到，點解唔早啲出聲」，而老婆說「你一枝箭咁行咗去」。這反映了兩人的預設位元不同。
   

   老公的預設：「你要跟上我，有問題你要大聲呼救。」(完全的自我中心) 

   老婆的預設：「你應該顧及我的步伐，互相照應。」(夥伴關係)

    🔍 老公方面： 不反省自己的固執，反而將老婆的負面情緒視為對他權威的挑戰，於是選擇用「爆粗」來壓制。明知老婆反感粗口，而他卻採取爆粗來處理問題，其實是一種「毀滅性的溝通機制」，這不是「發洩」，而是「不尊重」。 用暴力語言把整件事的矛頭轉向「你態度不好」，從而逃避他「無視老婆」的過錯。這種模式會讓老婆在以後遇到不滿時，因為害怕被罵而選擇「忍」，是對老婆的情感恐嚇，最終導致關係內部的腐爛。 老公要管理好情緒，每個人都要為自己的情緒負責。他不能把老婆當成「情緒垃圾桶」，然後要求垃圾桶「不要介意」裡面的垃圾。  

    

   ⚠️ 總結：
   1.  這段關係的「骨架」正處於一種「疲勞性損傷」的狀態，雖然最後以老公道歉、老婆妥協收場，表面平息了風波，但核心問題是溝通錯位——完全沒有解決。這種「各執一詞、下次再犯」的循環，正是婚姻中最消磨人的地方。
   
   2.溝通係婚姻裡面就好似食嘢咁，講粗口同無視感受就係「加工垃圾食品」，食一次半次可能冇事，但長期咁樣食落去，個胃（心理）遲早會潰瘍。道歉同氹番只係「止痛藥」，治標唔治標。你們要做嘅係徹底改掉呢種「偏食」嘅習慣，要求一個有營養、有尊重嘅溝通方式，咁樣段關係先可以長久。

Happy Birthday to you

究竟從那一年開始，你的生日變成我的生日。明明係你生日，但係你會自己Book枱食飯，仲買禮物送俾我。我問你點解咁做，你答我：『我的名字，你的姓氏』，唔知你幾時學到咁嘴甜，你係咪想 scam 我 😂？可能係太開心的關係 ，我以為今天真係自己生日，有點飲醉了，哈哈！

*愛人，祝你生日快樂，身體健康，心想事成！那套新片，拍攝順利！

Cirque Du Soleil ~ Kooza

不愧係『太陽馬戲團』嘅表演 🎭，大家都大讚  Good Show！ 

雖然天氣不似預期，又風又雨，加上表演場地設於戶外地點，來回演場時沒下雨，巳算幸運。今次係我第二次睇這個馬戲團嘅表演，跟2013年在 Las Vegas 的初次比較，當然興奮程度一定比下去。 但是這次係 VIP 體驗，當然又要俾你100分啦，Good Job 👍 ！     

7th Birthday

祝您生日快樂，心願達成 🎂 💖

南瓜大挑戰

這盒拼圖是我們在 2019年1月參觀『松本市美術館』時買下來的，原本到訪的目的是看『草間彌生』的大南瓜，但很可惜那天館內看不到大南瓜，因為大南瓜被外借了。當時我非常失望，為了安慰自己，我就買了一個迷你版的南瓜擺設和這盒拼圖。6年了，一直把它擱置在儲物室。那天聽到大家說這盒拼圖實在太難砌了，就是這個說法，引起了我的興趣，決定給自己一個大挑戰。實戰後，大家沒說錯，實在太難了。但難不了我，哈哈 😄 ！我用了一個多星期的時間，終於完成了這個『南瓜大挑戰』。完成那一刻，我也忍不住讚自己 👍 ，自戀完畢 😄 😄  ！ 

 

6206 的意思

你知唔知這個4位數字的意思？真係咩人唸咩嘢，你心中唸到的只有 44264，哈哈 😄 。
6206 的答案是18，第18排的開始，我們要繼續努力，共同編寫我們的『快樂日記』🎉 ！

破地獄

今天一個人外出，睇戲是個不錯的選擇，是練習『獨處也可以快樂』的機會。我一直很想看『破。地獄』這套港產片，今天幸運的遇上了加長版。原來『破地獄』這個道教葬禮儀式，是象徵南嘸師傅衝進地獄，揮動火劍破瓦，帶領被審判的亡靈越火而出，令亡者得到『度脫超昇』。破地獄不只是為了亡者，其實生人都需要破地獄。因為人生在世時間好短，如果不放下自己的執着和仇恨，怎能輕身上路 ，擁有一個無悔無恨的快樂人生！

生蛇驚魂

蛇年生蛇真係應年了，有病當然唔開心，但沒有人家說的那種痛不欲生的神經痛，已經是萬幸了。愛人幫我決定用『中西結合治療』方式，無論誰對誰錯，目的係將所有病毒排出體外，從此身體健康，身心愉快，蛇仔遠離我 😝，愛人有你真好！

 

跳島遊

今日風平浪靜，天朗氣清，船家推薦我們玩『跳島遊』。隨心是我們的旅遊模式，所以去了經常是非常大浪的『蒲台島』，這是我第一次的到訪。我們按船家推薦，先到天后廟拜神，跟住食海鮮。吃飽飽之後，就向山上行，終於見到126號燈塔。從最高點遠望，風景真係幾靚，怪不得有咁多遊客到訪，還在島上紮營。之後再去了附近的另一個島嶼，我忘了它的名字，只記得全島都係紮營人士，非常擠迫，似難民營，所以行了一陣就馬上離開。

太陽要落山了，我們帶着愉快的心情；邊說笑，邊睇日落，就這樣慶祝了我們的『重光紀念日』。希望拜過天后古廟，大家都身體健康，快快樂樂咁過日子！

一個身位的故事

那個遼闊的景色，真的『一寸』都不能讓嗎？我在問：『 只是行多一個身位，這景色真有那麼大分別嗎？』，結果我們由討論，變成爭拗。如果當時大家都能理性一點，清楚說明自己嘅睇法，放低主觀願望 😛，與此同時雙方必須尊重對方，因為我們不是敵對，不是論輸贏，而是找出一個有『共識的方案』。雖然這個決定未必係最完美，但對於兩人嚟講，呢個一定係『最合適嘅方案』，因為這是通過共識得出來的。就算結果不似預期 😬，緊記不要埋怨對方。

信念

只要相信，奇蹟是會一次又一次的出現，就好似蛋神顯靈一樣，唔到你唔信呀，今日我真係見到富士山。哈哈 😄

白色聖誕在草津

聖誕節前幾天，我們在YouTube上看到這間叫『Kei』的草津溫泉酒店好像不錯，於是就決定了，今年何不來一個白色聖誕節。就這一個隨心的決定，帶來了一個鍛鍊解決問題嘅機會。出發前巳收到日本氣象廳發出的天氣預警，北陸地區於12月24日可能下大雪並伴隨強風，降雪量可能達致60厘米。 除此之外，酒店人員更特別提醒我們，車輛必須配備冬天雪軚才可進入草津地區，否則建議我們乘搭公共交通工具。因此我們未出發巳有點擔心安全，所以首要是能否轉租另一架有雪軚的車。但臨急臨忙，選擇有限，愛人幾經辛苦才找到一架配備雪軚但性能較差一點的車，否則我們必須取消這個旅程。出發那天，心情仍是有點擔心，不知草津那邊的天氣是否好像預警那樣差。在進入草津地區時，我也嚇了一跳，道路四周已經積滿了厚厚的雪。雖然我們不是第一次到訪草津，但就是第一次遇見大風雪中的草津溫泉。問題來了，原本又斜又窄的草津道路巳經難走，加上路面積雪，車子的性能不好，驚險位一個又一個的出現，愛人好像打機般，過了一關又一關，才成功把車子安全駛進酒店的停車位置。萬幸的，我們終於安全到達酒店。 心中既驚又喜，我們一家人今年可以如願渡過一個『白色的聖誕節』，辛苦你了 😌 ！

👆她的指定動作，和哥哥一齊打咭！

維他奶

今天在 FACEBOOK見到維他奶這個 post：『熱玻璃樽裝維他奶 ，一啖滋味暖入心！』令我回憶起2000年1月12日這個晚上，那啖滋味暖入心的感覺。至今仍然記得很清楚，這枝溫暖的維他奶，慰藉了我那刻的心痛 💔。

其實事物很容易斷捨離，但感覺就比較難做到。因為發生了的事情，特別是傷痛的感覺，很難像粉筆字，一抹清走。只有用時間，愛和原諒才能療癒那個破碎了的心！

我向你求婚 @金沢 GENTiL

簽好續約文件後，要補番個『訂婚儀式』，雙方戴上戒指，禮成！

與花花有約

花是美麗；人生一樣。只要我們有這個正念，學會用不同角度看事物，用愛對待自己和他人，勇於面對問題，作出改變。正如這條如幻似真的花花隧道， 確實令人陶醉，但想心一層這些其實只是虛幻，只有得到身體舒服，靈魂自在，才是我們體驗這個世界的真正目的！願你活出自己，不枉此生，祝您生日快樂，身體健康！

 

洗白白

有人外遊回來，為免把細菌傳染給哥哥，所以在上床前，必須先行大清洗，否則禁止接觸！

Happy 17th

2007年4月23日是一個大日子，是展開『我們之旅』的第一天。回想這天，心情非常忐忑，是前所未有嘅感覺。幸好充滿『正能量』嘅我們，深信『我們必定會快快樂樂在一起，直到永遠！』至今我們巳步入第 17 個年頭，當天是否上天的安排，巳不重要了。希望我們繼續努力 💪 ，共同編寫這本有點『瘋狂的快樂日記』，繼續『我倆手拖手，邊行邊說笑』，繼續『 Enjoy our simple & rich life !  』😄 YEAH ....

 

托兒所新體驗

我們在 Saffire Freycinet 參加了人生第一次的成人托兒所體驗，這個3天2夜的高規格之旅，不但有動有靜，仲可以上山，又可以下海，完全滿足我這位『新鮮感大好友』的要求，原來托兒所可以咁好玩，大滿足！

就連佢👇都讚好👍 😁

從遊舊地

這次澳遊的安排實在太完美了，真的要給你打滿分 💯 。食好住好不在話下，仲有超豪托兒所新體驗，感覺真的很爽。 今次從遊舊地，感覺新鮮，一掃我以前對這個國家的睇法。 其實問題不在這個家，而是當時跟我同遊澳洲的旅伴。

所以今次澳遊，感覺大不同，只要真的如你所說：『這裡環境好，來了不久，肚腩細了，還有點胸肌，又搵到錢，又健康！』既然咁好，真的找不到，一個拒絕移民這裡的理由！

* 愛人果然係『抽神』，係澳洲梗係抽個『牧羊人』啦！ 

退休一周年

『被退休』巳經一年了，生活方式沒太大改變。現在不用返工，每天做自己喜歡嘅事 💕，退休後嘅生活是偷快的。我要衷心的感謝您，為我們這個家努力工作。希望在未來嘅日子裡，大家共同努力，你負責『賺錢養家』，我保持『貌美如花』✌️  I love you ❣️

Art Basel 2024

2018年第一次入場睇這種國際性嘅藝術博覽會，傻瓜的我跟本不知道 Art Central 跟 Art Basel有什麼分別。雖然我對藝術品的所知不多，但這份新鮮感，給予我非常好的感覺。所以每年有免費的入場券，我必定抽空入場觀看。但參與了幾年之後，新鮮感沒了，加上在場打卡的人實在太多，我開始對這個博覽會失去興趣。今年入場只是為了兌現去年對她的承諾，但估不到的是，竟然是她帶領我用『不帶偏見』和『不帶喜好』的角度去欣賞這些藝術品。