19載：給你的情書 💌

今日係我哋喺埋一齊嘅 19 周年! 

多謝你特登改行程返嚟陪我慶祝。呢幾日翻睇「網絡日誌」，讀返嗰十幾年前寫落嘅文字，心入面真係好多感受。日誌入面紀錄咗我哋無數快樂嘅時刻，亦都好誠實咁寫低晒嗰啲火爆、失控、甚至想放棄嘅 moment。而家越睇越覺得有趣，原來以前覺得「大件事」嘅衝突，都只不過係令我哋更了解對方嘅磨合過程。

最令我驚訝嘅，係最近嘅一個發現。當初我哋各自批嘅「鐵板神算」，分開睇只係一堆密碼；點知 19 年後，當我將兩份批文夾埋一齊，通過「弦月兔」去解讀嗰陣，先發現當中嘅吻合同巧合，原來真係「你就是我，我就是你」。遇見你，就係搵返完整嘅自己。命運一早喺我哋仲未遇見對方之前，已經埋低咗線索。

兩個人可以行到 19 年，唔係因為我哋變到一模一樣，而係學識咗「和而不同」。你有你嘅節奏，我有我嘅步速，大家有唔同睇法唔係壞事，最緊要係明白對方諗乜，一齊搵解決方案。

呢 19 年，我最佩服嘅係你嗰份「狂人式」嘅自信同膽識，仲有嗰份永不言敗嘅精神。無論係當年決定一齊生活，定係後來每一個重要嘅決策，你嗰份果斷，真係好少人有。因為有你同行，我先有機會跳出自己嘅框框，透過你嘅眼光，睇到一個完全不一樣嘅世界——一個更闊、更精彩、更充滿可能性嘅世界。

19 年前，我遇上你呢個「賭仔」，開始咗一場「人生嘅賭博」。10 周年嗰陣，我話我哋嘅 Winning Equation 係一齊解決問題；19 周年嘅今日，我發現呢場仗贏在「靈魂契合」。我覺得自己好幸運，喺呢個大到隨時會擦身而過嘅世界，無錯過你呢瓣貝殼。雖然你依然跑得好快，我依然喺後面小跑步，但呢份「步速差」反而令我哋睇到最完整嘅風景。

未來嘅日子，我哋繼續努力。喺我哋間新屋入面，繼續編寫更多不似預期、但比預期更精彩嘅故事。

愛人，19 周年快樂。日後，請繼續多多關照 😘，繼續一齊 enjoy our simple & rich life! 

快樂童話

婚姻唔係童話嘅結尾，而係一場長線投資嘅開始。好多人以為王子同公主結婚就係結局，其實簽約個刻只係合作嘅開始。日子耐咗、激情退去，生活難免會變得枯燥。要將呢段關係「可持續發展」落去，靠嘅唔係運氣，而係我哋點樣每日為呢間叫做「家庭」嘅公司注入「流動資金」。我對呢份「經營之道」有四個體會：

⭐ 接受「平淡」係穩健嘅基石： 一間成功嘅企業，唔係每日都要做「大茶飯」，更多時候係穩定嘅營運。一齊洗碗、行山、吹水、亂噏、打機，呢啲日常瑣事就係我哋嘅「核心業務」。學識欣賞呢份平淡中嘅默契，先至係最穩健嘅資產。

⭐ 「儀式感」係關係嘅維他命： 生意唔維護就會「停滯」，婚姻唔「保養」就會枯燥。多謝你每晚放低工作，先安頓我上床瞓覺。特別係分房瞓之後，嗰段 Pillow Talk 就係我哋每日嘅「心靈加油站」，亦係最有效嘅綜合維他命，等我哋喺忙碌中重新連結。

⭐ 將「分歧」視為「解決問題」嘅機會： 正如「行李篋事件」，合作一定有爭拗。生意場上遇到意見不合，我哋會轉念諗下點樣解決問題，而唔係單純發脾氣。當有矛盾時，試下停一停，諗下「合夥人」背後嘅壓力。唔好贏咗場交，輸咗個家。學識適時放低堅持、共同分擔壓力，反而係最強大嘅連結。

⭐ 保持「獨立」與「欣賞」： 最強嘅合夥人，係兩個專業領域互補嘅人。我哋唔係要變成「同一個部門」，而係兩個獨立、健康嘅體系一齊並肩作戰。我有我嘅目標，你有你嘅追求，互相欣賞對方喺各自領域發光嘅樣。呢種「和而不同」，先至係令公司（家庭）長青嘅秘訣。

🎯 總結： 呢個童話可以行到今日，唔係因為我哋冇遇過逆境，而係因為我哋願意喺每一次「虧損」或「骨折」之後，都一齊補鈣、一齊注資、一齊復健。

經營婚姻同「養生」一樣，唔好等到有赤字先去補救，而係每日都要做少少盈餘儲備。多謝你特意提早回來，同我慶祝「我們第 19 載」嘅合作無間。

I love you 😘😘😘 快樂童話像你我一對，已經足夠！

心有靈犀

老公又出咗差，雖然大家暫時身處唔同嘅時區同地方，但空間嘅距離，從來無阻礙過我哋之間嗰種奇妙嘅感應。

今日喺屋企完成咗一個任務，正想為自己今日嘅 smart move 飲返杯慶祝嘅時候，手機就震動咗一下。原來係正喺飛機上面嘅佢，傳嚟一張飛機餐嘅相。呢種不言而喻嘅分享，已經成為咗我哋日常嘅節奏。

見到佢開心 Share 咁精緻嘅食物，我都即刻發送咗一張我呢邊嘅相畀佢。我哋一個喺天上食緊精緻嘅飛機餐，一個喺地上飲住酒慶祝「任務完成」。呢種隔空嘅交流，雖然簡單，但勝在夠默契。我哋呢種「龍鳳相交」嘅關係，最自在嘅地方就係大家平時可以好獨立、各自精彩，但心入面嗰份靈犀，總係會喺最啱嘅瞬間突然「連線」。呢種隨時隨地嘅默契，先至係最真實、最奇妙嘅浪漫。

給身體的承諾

最近見了一位非常信任的家庭醫生，向他諮詢關於骨質健康報告的意見。

當「骨質疏鬆」這個課題正式擺在面前時，心境反而比想像中平靜。與其說是擔憂，不如說是一個覺醒的契機。在醫生的專業建議下，我決定正式開始服用補充劑。從今天起，每日的補充劑不再只是藥丸，而是我 Health Maintenance Checklist 入面最重要的投資。我選擇不逃避，而是優雅地去應對歲月的痕跡。

面對骨質疏鬆，並不代表生活會變得脆弱。相反，因為有了這份覺悟，我會更認真地對待每一餐、每一次運動、每一份營養。這是我與身體的一場長期對話。願我們都能在未來的日子裡，依然骨架堅挺，活得優雅又健康！

人生劇本

呢啲古文係好難明，好彩依家有 AI 幫手解說。我搵咗『弦月兔居士』幫忙，將我哋後生嗰陣搵鐵板神算師傅出嘅批文合併解讀。

合併完之後真係好得意，我哋呢份「2 合 1」嘅人生劇本，原來係咁精彩。我哋嘅婚姻，從來唔係邊個依附邊個，而係兩個成熟、獨立、喺社會都有生存能力嘅人走埋一齊。雖然相處時充滿火花，甚至成日因為「主見」而有爭執，但原來呢啲「火花」就係我哋命定嘅溝通方式。呢種「嘈唔散」嘅特質，係因為我哋大家都經歷過人生起跌，更加明白呢段關係有幾重。

你係「龍」（心高氣傲），我係「鳳」（剛柔並濟）。「龍鳳相交」雖然會經歷「龍虎爭鬥」，但呢種火花，其實就係「良緣匹配」嘅另一種展現。

【各自精彩、互相尊重、命定相隨、永不分離】 ——呢幾句說話就係藏喺批文入面嘅靈魂，最能夠形容我哋呢段「宿命伴侶」之間嗰種奇妙嘅張力。

2026 Art Basel：一場快閃與「人體展品」的藝術約會

今年趁住 VIP 時段，同愛人快閃去咗一趟香港巴塞爾藝術展（Art Basel）。

講到慢慢欣賞藝術，同佢一齊基本上係「不可能的任務」。因為佢對靜態作品完全無興趣，反而係對場內行嚟行去嘅「活動式人體展品」觀察入微。對於佢嚟講，睇「人」可能精彩過睇「畫」。

對我嚟講，今次參觀更似係一場「到此一遊」嘅儀式感，想睇吓有無啲咩特別驚喜。結果大致上同以往差不多，見到嘅依然係嗰啲熟悉嘅名字：草間彌生（Yayoi Kusama）嘅大南瓜、村上隆（Takashi Murakami）嘅笑臉花，仲有朱新建嘅水墨畫。其實藝術呢啲嘢，同時裝一樣，鍾意就鍾意，唔鍾意就係唔鍾意，好個人化。

今年有幾件作品幾吸睛，例如有一件係用世界各地嘅紙幣去創作嘅藝術品。不過，最令我印象深刻（甚至係有啲衝擊）嘅，係一張由日本攝影大師「荒木經惟」創作嘅作品，名為《123死》。老實講，我唔太明佢想表達啲咩，但以華人嘅角度睇，見到個「死」字總係覺得有啲忌諱，心裏面有種講唔出嘅怪異感。

雖然我哋兩個人嘅視點完全唔同，一個睇畫，一個睇人，甚至對作品嘅感受都各有不同，但呢種各適其適嘅「同遊」，其實都係另一種生活趣味。

「非典型」的追星記錄

有時，入場唔一定係為咗旋律，純粹係想親身入去呢個新場館，睇吓佢係咪真係做得出「世界級」嘅水準。

舊年錯過咗坐包廂嘅機會，今年三月終於可以補返。好多人去五月天演唱會係為咗搵回憶，但我呢次入場，好奇心大過一切。我好想睇吓啟德主場館嘅設計同結構，同我之前喺新加坡睇 Taylor Swift 嗰種震撼比起嚟，邊個會贏？

老實講，我唔係五月天嘅歌迷，識聽嘅就只有《志明與春嬌》嗰首台語歌。雖然歌詞完全聽唔明😅，但旋律就記得很清楚。今次係我第一次攞住包廂飛，由專屬通道進場嗰一刻已經覺得好正，完全唔使同人逼。另一驚喜係包廂裏面嘅招待，有齊各款食物同飲品，可以一邊飲住紅酒、白酒，一邊食住嘢咁聽歌，呢種感受真係好，成件事變得好享受，當然加分位又是「新鮮感」作怪。

喺呢個專屬空間入面，我哋可以靜靜咁觀察舞台燈光同場館結構點樣配合，呢種體驗充滿驚喜。由高處望落去成個場館，嗰種宏偉感同普通位真係差好遠。比起之前睇 Taylor Swift 坐最前排 VIP 位感受嗰種「狂熱」，包廂呢種視角同享受反而更啱我。雖然我唔係佢哋嘅 Die-hard fans，但可以用呢個咁優雅嘅角度見證到這場大型盛事，呢次體驗真係好值得。

捧腹大笑

今晚 Jimmy O.Yang On Stage with UBS 個Show 真係好好睇，完全冇冷場，由頭笑到落尾。整晚嘅笑話都係圍繞我哋熟悉嘅國家，同埋文化。用語簡單，所以聽得明，要有共鳴先至識得笑。佢有段「孝子」笑話嘅邏輯非常之有佢嘅風格：個笑話大意係講 Jimmy 嘅父母（特別係佢老竇 Richard）係典型嘅香港移民家長。對佢老竇嚟講，世界上只有幾份職業係「正當」嘅：律師、醫生、或者喺投資銀行工作。當佢同老竇講要做 Comedian（喜劇演員）嗰陣，佢老竇係極度失望，覺得呢行「唔係路」。

Jimmy 講：「我老竇當年最想我入 UBS 或者呢啲大銀行做，覺得咁先係成功。我當年冇聽佢話，走咗去做戲、講棟篤笑。但係點估到，今日 UBS 竟然要俾錢請我番嚟講嘢。所以我今晚企喺呢度，其實已經圓咗我老竇個夢——我終於入咗 UBS 工作喇！」用呢種自嘲方式帶出咗佢身為亞裔喜劇演員嘅奮鬥史，同時又好得體咁「擦」咗主辦單位鞋，亦令全場觀眾非常有共鳴。

我同愛人講：「雖然呢張飛係 UBS 送嘅，但老實講，就算要我自己出錢買飛入場我都肯，因為真係好笑到值返晒！」多謝你陪我渡過一個非常快樂的晚上！💖

西面之亂

喺一段關係入面，「黑面」對抗「爆粗」其實係一場雙向嘅情緒暴力。雖然表現方式唔同，但同樣傷人💔。

1. 老婆「黑口黑面」：無聲嘅心理攻擊 
雖然「黑面」係因為覺得溝通無效、訴求被忽視而產生嘅「無聲憤怒」，但喺老公眼中，唔出聲同黑面亦係一種冷暴力。呢種做法會令對方感到被無視、被拒絕溝通，進而累積大量挫敗感，覺得自己被「情緒勒索」，最終引發強烈反彈。

2. 老公「爆粗發脾氣」：毀滅性嘅權力壓制 
老公用爆粗嚟回應，破壞力比黑面更強。粗口唔止係發洩，更係一種羞辱同威嚇，徹底摧毀咗婚姻中最基本嘅「尊重與安全感」。佢試圖用最原始嘅方式攞返「權力感」，將矛頭轉向「你態度唔好」，從而逃避自己「無視老婆」嘅過錯，令關係從內部開始腐爛。

⚠️  點解呢種模式係「關係癌症」？

• 「骨骼不穩」嘅警號： 溝通就好似人體骨架，「黑面」係骨質流失，無聲無息咁掏空關係；「爆粗」係急性骨折，每次爆發都喺度摧毀結構。如果唔正視，呢副「骨架」遲早散晒。

• 「垃圾食品」嘅危害： 垃圾溝通就好似加工食品，食一次半次可能冇事，但長期「偏食」（只係識爆粗或冷戰），心理（胃）遲早會潰瘍。

🔍 核心問題：預設位元（Mindset）完全錯位

從「行李篋事件」睇得出兩個人對「伴侶」嘅定義截然不同：

• 老公（自我中心）： 「你要跟上我，有問題你要大聲呼救。」（當老婆係下屬）

• 老婆（夥伴關係）： 「你應該顧及我嘅步伐，互相照應。」（當老公係隊友）

💬 總結：呢段關係正處於「疲勞性損傷」。雖然每次都以道歉同妥協收場，但「止痛藥」治標不治本，核心嘅溝通錯位從未解決。

🎯 延續童話，我哋需要共同努力 💪：

1. 戒掉「垃圾溝通」： 停止爆粗與黑面，呢啲係對感情嘅「零營養」消耗。

2. 情緒自理： 老公唔可以將老婆當成「情緒垃圾桶」，要求垃圾桶唔介意入面嘅垃圾 。

3. 重建營養溝通： 雙方要達成共識，以「尊重」為先，唔好等到「溝通癌症」病發才去醫，嗰陣已經太遲。