又一年

時間過得真快，倆個靚女又來渡暑假，無皇管，任睇任玩，誰人也開心啦 😆
快樂工作坊，今年改用了原糖，吃得健康點，這次減了10克糖，朱古力味剛剛好。原味下次可以最減多一點點，我覺得還是甜了一些。食譜在下面👇

Season 手工真好，而且創意無限！

牛油...100g

原糖...50g

雞蛋...40g

低筋麵粉...200g (朱古力味：12g朱古力粉&188g低筋麵粉）

泡打粉...2g

鹽...2g

1)室溫放軟牛油,加入糖及鹽打至鬆發(糖分開加，比較容易混合）

2)逐少加入雞蛋,直至蛋完全混入牛油糊

3)篩入低筋麵粉及泡打粉,以切伴方法伴勻

4)弄成糰放入凍格雪1小時以上,取後後碌平,用餅模印出曲奇

5)160度焗25分鐘

初戀情人 Biscotti

我和 Biscotti 的關係就如初戀情人, 我與它是那種一試就愛上的感覺，它是我學會的第一款曲奇。我愛它沒有牛油, 材料簡單, 與咖啡更是個 perfect match。食法與Oreo很相像, 把它放進咖啡裡浸一下, 馬上放入口, 好味道!  而今天的 “橙皮迷迭香版本” 是改良過的, 跟初戀時的您多了一點味道, 是透過實驗得來的結果, 言而今天的“你”更討人歡心。

酒漬橙皮是這個Biscotti 香氣來源

包裝好送給我的摯愛們

家姐 what's app 話好好味，真開心 ；）

食譜：

材料：（２５塊, 約１cm厚)

低筋麵粉 .... 200g

泡打粉 .... 2g

糖 .... 58g

鹽 .... 2g

蛋 .... 2隻

杏仁 .... 90g

橙皮茸 .... 60g (用了做麵包餘下的“洋酒橘皮潰”）

迷迭香(細末) .... 2茶匙

香草精 .... 少許 (沒有的可以不加）

1) 用手動打蛋器將糖和蛋攪打均勻

2) 然後用膠刮刀將巳過篩的低筋麵粉和其他材料混合

3) 把混合好的麵團分2等份，整成長條狀，放入巳預熱的焗爐，用180度焗20分鐘

4) 焗好取出後，等溫度稍微下降，用刀切成長條狀 (大約1cm)

5) 將切好的平放在烤盤上, 再用160度焗大約15-20分鐘至表面乾脆有一點金黃色。

杏仁伯爵茶曲奇

前2天做的茶味曲奇全部送給人家了，愛人今天要吃曲奇，馬上做些給他TEA 一 TEA。

杏仁伯爵茶曲奇

(改自Rachel Yau 的為您做甜品）

伯爵茶 。。。2 茶匙
牛奶 。。。1／2 湯匙

蛋。。。1／2隻
無鹽牛油 。。。100克
糖粉 。。。40克
低筋麵粉 。。。138克
泡打粉 。。。1／2 茶匙

杏仁 。。。30克

1) 伯爵茶加牛奶浸泡約30mins。

2) 室溫牛油加糖粉用打蛋器打至乳白, 加入(1)的茶葉，拌勻。
3) 篩入低筋粉, 泡打粉, 用刮刀切伴。

4) 做好的麵糰放入雪櫃雪1小時。
5) 將麵團切成0.5 厘米厚片，將曲奇放入已預熱的焗爐內，以170℃焗約15分鐘。

伯爵橘子茶曲奇

今次試用『伯爵橘子茶』來做，其實味道跟『熱情果茶』差不多。這個食譜牛油份量少一點, 加上有茶的香味，吃起來無咁“漏”，咁就無咁guilty啦！朋友仔食過都話好，YEAH！

最近發『花癲』, 做印模曲奇當然要用花形模，希望靚女們都鐘意。

久遺了...唧花曲奇

愛過, 瘋狂過的, 今天看見這個金罐, 樣我再次想起你『唧花曲奇』。

Double Espresso Cookie : 用了12g 咖啡粉代替低筋粉，做了這款非一般的咖啡曲奇，跟 90% dark chocolate一樣，不是人人能接受，但我就好鍾意。

* 一定要睇實, 好易焗過嚨。180度, 焗10分鐘, 轉150度, 焗8分鐘, 停火後再焗2分鐘。

* 一爐不可焗太多件，曲奇之間留足夠空間。

Passion & Hunger

近來覺得自己老左, 因為同小朋友食飯唔洗俾錢, 長大了嘅小朋友今年入到大學啦。依次証明你揀岩左, 副學士一樣入到中大新聞系, Congratulations! 做人最緊要知道自己要Ｄ咩, 因為『悠由由』又一世, (哈哈哈依句係跟壞人學嘅, 見你今日用『粗口字』話過去無努力讀書, 用依句襯番你), 唔係『發光嘅星星』唔緊要 (因為無得揀), 但 PASSION & HUNGER 唔少得, 只要專心磨利刀, 1萬小時努力過後, 你都可以係 Outliners。至於揾唔搵到心中果團『火』, 我就幫你唔到, 要靠自己啦！但我送你一個熱情果人, 希望你快Ｄ搵到團火啦。

熱情果茶曲奇食譜

熱情果紅茶 。。。1包
牛奶 。。。1 湯匙
無鹽牛油 。。。 70g
糖粉 。。。30g
鹽 。。。少許
低筋麵粉 。。。120g
梳打粉 。。。少許

1) 紅茶包剪開, 茶碎加牛奶浸泡約30mins
2) 室溫牛油加糖粉用打蛋器打至均勻, 加入(1)的茶葉
3) 篩入低筋粉, 梳打粉, 用刮刀切伴
4) 做好的麵糰放入雪櫃雪1小時
5) 用時放室溫回暖一會, 用棍碌至想要的厚度並用曲奇餅模印出
6) 將曲奇放入已預熱的焗爐內，以180℃焗約15分鐘

花花COOKIE

本來預備做字母COOKIE, 麵團昨天巳做好, 但可惜新模出了點問題, 失敗了！所以, 櫻花季節雖然過去, 印下簡單的花形COOKIE，中間放粒入爐朱古力一樣受歡迎。

印模曲奇 for Winnie

Winnie 鍾意食藍罐曲奇, 小朋友總愛這種大人受不了的甜。我將食譜嘅糖粉加甜10％, 希望今次做到她鍾意嘅「個種甜」！

雙色印模曲奇 for CCC

已有一段時間無做印模曲奇, 最近為左「玻璃曲奇」又再開爐。這個特別為CCC而做嘅「花心曲奇」樣子靚嗎？
* 以下食譜係做原味嘅材料, 要做雙色就要將材料分2份, 朱古力個份嘅低筋粉減少12g, 轉成無糖朱古力粉 食譜按這里

玻璃曲奇 for sweetie

買到糖啦 :) 今晚開工做「玻璃曲奇」送俾果位好有義氣嘅靚女, 為左人地要將心愛嘅長頭髪剪短, 雖然唔知道長頭髪還是短頭髪靚Ｄ, 不過『內在』就一定比以前靚啦！

Yeah...成功啦, D玻璃無穿到好完整, 不過泡泡就好似多左Ｄ, 好彩無破壞依個咁可愛嘅心心, 希望靚女鍾意啦！




食譜來自:Vanlily BreaDessert

材料：
牛油...100g
糖粉...60g
雞蛋...40g
低筋麵粉...200g
泡打粉...2g
鹽...2g

1)室溫放軟牛油,加入糖粉及鹽打至鬆發
2)逐少加入雞蛋,直至蛋完全混入牛油糊
3)篩入低筋麵粉及泡打粉,以切伴方法伴勻
4)弄成糰放入凍格雪1小時以上,取後後碌平,用餅模印出曲奇
5)將果汁糖壓碎,放在曲奇中央,以160c焗15mins至金黃色及糖溶
6)出爐後要等曲奇完全涼透便可取出

*果汁糖可以不用壓得太碎,否則會有很多汽泡的,每粒果汁糖約分開一半就可以
*曲奇可以印得厚一些, 效果會好一點
*焗的中途, 留意每塊曲奇果汁糖的份量, 如果太少可以中途加上, 不要做到"穿""玻璃哦~

2009 第一爐

年初三赤口, 最好少說話多做事, 開爐焗餅是個不錯嘅選擇, 過年要意頭好, 第一爐當然不容有失啦, 做個十拿九穩嘅biscotti, 加上個『步步高升』做型, 希望今年事事順利, 開開心心！

愛心朱古力 Cookie

Sweetie 要考試, 想吃朱古力Cookie, Ah E點會拒絕, 馬上開工, 試做新食譜, 唔知點解個朱古力好難mix, 做出嚟個樣怪怪地，但味道就OK!

















Sweetie 送我的圖畫

海苔薄片

海苔薄片改良版, 除糖粉減低外(原食譜用25g), 我將蛋黃改用蛋白, 因為怕了膽固醇過高！

材料：
糖粉15g, 無鹽牛油30g, Vanilla 香油1/2茶匙, 牛奶2湯匙, 蛋白20g, 低筋麵粉40g, 泡打粉1/4茶匙, 海苔粉適量

做法：
1) 將糖粉, 無鹽牛油, Vanilla 香油及牛奶用隔水加熱方式整融，降溫後加入蛋白，用打蛋器攪拌均勻。
2) 將麵粉和泡打粉過篩後，用打蛋器以不規則方式將麵糊攪拌均勻。
3) 用湯匙取適量麵糊放於烤盆上, 待麵糊擴散呈圓片狀, 再撒上適量海苔粉。

檸檬黑櫻子曲奇 (2)

上次檸檬圈嘅酸味唔夠，今次我將檸檬汁增加至30g, 而糖粉減至40g, 就係依種酸味味嘅
檸檬香啦。

Ｄ黑點係『黑櫻子』

檸檬杏仁圈

氹氹轉, 菊花園, 轉呀轉, 檸檬圈！
檸檬杏仁圈: (27塊)
A) 檸檬糖漿：檸檬皮茸1個, 檸檬汁25g, 細砂糖50g
B) 低筋麵粉180g, 泡打粉1/2tsp, 無鹽牛油50g, 蛋40g, 杏仁適量

做法：
1. 檸檬糖漿：將檸檬皮茸, 檸檬汁加細砂糖, 用小火把細砂糖煮融，放涼待用。
2. 將麵粉和泡打粉過篩後，與牛油用雙手搓揉成均勻的鬆散狀。
3. 將檸檬糖漿及蛋加入(2)中, 用刮刀拌成均勻嘅麵團。
4. 麵團用保鮮膜包好，放入雪櫃鬆弛30分鐘。
5. 取出麵團約15克，用手揉成約13公分的長條狀，再做成圈型。
6. 放入已預熱160度焗爐，焗25分鐘, 熄火後用餘溫焗10分鐘 。

檸香杏仁曲奇

愛人個best friend~朗仔鍾意食依款曲奇，為左取悅他，假期只好開焗多一次咁多啦！　

檸香杏仁曲奇食譜：

1) 淡牛油...70克
2) 糖粉...40g (原食譜50g, 下次再焗會試30g，酸酸地醒神D)
3) 低筋麵粉...120g
4) 蛋...１隻
5) 檸檬皮...1湯匙
6) 檸檬汁...1湯匙
7) 蜜糖...2茶匙
8) 杏仁...適量

1) 牛油室溫軟化後打勻後, 加入已篩的糖粉
2) 再加入蛋後打勻 (分2次加入牛油中)
3) 最後加入已篩的低筋粉, 蜜糖, 檸檬皮, 檸檬汁及杏仁拌勻。
4) 用小匙把約10g 的粉糰放在牛油紙上
5) 將曲奇放入已預熱的焗爐內，以180℃焗約15-20分鐘

曲奇禮盒, 祝生日快樂!

送俾至愛家姐，祝生日快樂！曲奇禮盒包括：燕麥紅莓曲奇, 杏仁咖啡曲奇 & 至愛biscotti.
杏仁咖啡曲奇 & biscotti都是家姐至愛，另外我特別為她做了個健康之選「燕麥紅莓曲奇」，希望她鍾意：）










燕麥紅莓曲奇食譜：

1. 淡牛油...５０克
2. 黑糖...４０克
3. 低筋麵粉...５０克
3. 即食燕麥片...５０克
4. 紅莓...３０克
5. 發粉...１/６茶匙
6. 蘇打粉...１/６茶匙
7. 蛋隻...３０克
8. 雲呢拿香油...數滴
9. 鹽...少許

做法：
1. 將麵粉,鹽,梳打粉及發粉過篩備用。
2. 牛油室溫軟化後打勻,加入黑糖打至軟。
3. 然後分２次加蛋拌勻，再加入雲呢拿香油。
4. 將粉類加入（３）裏面, 在未完全混合前加入燕麥片及紅莓，混和。
5. 將麵團分成8克一份搓至圓形後輕按平（可先將麵團放入雪櫃15-20分鐘，待麵團硬身一點較易造形）。
6. 放入已預熱180度焗爐，焗12分鐘。

超鬆曲奇 2nd Attempt

再來咖啡曲奇,今次用了Nescafe Espresso咖啡粉，Ｄ粉真係幼細好多，可以完全溶入麵糊裡面。成功了，哈哈！

榛子曲奇

昨晚已經掛了3號風球，今次個風來得咁突然，而且外面Ｄ風好大，不知明天會不會掛8號! 哈哈...真係8號呀，多了一日假，一於繼續做餅！

貞貞姨落order,想食有果仁嘅原味曲奇，我就做了個『榛子曲奇』俾她試下，希望她鍾意啦。



食譜:
牛油...112g
糖粉...30g
鹽...1g
低筋麵粉...75g
高筋麵粉...75g
榛子...50g
榛子粉...10g





做法:

1. 焗香榛子及敲碎備用
   
2. 牛油室溫軟化後打勻,將鹽及糖粉加入打勻至軟白
   
3. 加入已篩的麵粉,榛子粉及敲碎的榛子粒伴勻
   
4. 將麵團分成10g一份搓至圓形（可先將麵團放入雪櫃15-20分鐘，待麵團硬身一點較易搓至圓）
   
5. 然後放在牛油紙的焗盤上，預熱焗爐5分鐘，用170度，焗20分鐘。
   

杏仁朱古力曲奇 for sweetie

真開心...小朋友都愛我做的曲奇！昨晚做了個新款的『杏仁朱古力曲奇』再給可人兒品評下, 這款曲奇對我來說太甜了, 不過做給小朋友吃甜少少是沒錯了!

食譜:（約40塊)
牛油...100g
糖粉...40g
黑糖...40g
蛋...20g
低筋麵粉...135g
朱古力粉...18g
黑朱古力粒...30g
白朱古力粒...30g
杏仁粒...20g
梳打粉...1/4茶匙

做法:

1. 牛油室溫軟化後打勻,加入糖打勻
   
2. 再加入蛋後打勻
   
3. 加入已篩的低筋粉,朱古力粉,梳打粉,朱古力粒及杏仁粒拌勻
   
4. 再將麵團分成40等份(每粒約10g）用匙輕按平
   
5. 然後放在牛油紙的焗盤上，預熱焗爐5分鐘，用170度，焗12分鐘。
   

超鬆曲奇 Trial Test

聽說用金罐牛油做唧花曲奇特別鬆趣，特意去ＣＷＢ果間材料鋪買了一罐試做，結果真係好鬆趣，值回票價！


材料 : (原味）
無鹽牛油 ... 120g
糖粉 ... 50g (原食譜63g)
蛋白 ... 30g
高筋粉 ...75g
低筋粉 ...45g
鷹栗粉 ...45g
雲呢香油 1-2滴 (可不用)

＊以上是基本材料，如要做其他味道只要加入如咖啡粉(6g)，便成為咖啡曲奇了。不過，今次用嘅咖啡粉唔能夠完全溶入麵糊裡，焗完出來Ｄ曲奇有斑點，但個味就好香，朋友們都好鍾意！

做法 :
1. 預熱焗爐180 度 10 分鐘
2. 將所有粉類過篩備用
3. 將牛油 (室温) 與糖粉打至鬆軟發白, 分二次加入加入雞蛋,打至忌廉狀態
4. 分2次加入篩好粉, 攪至忌廉狀態
5. 將麵糊倒入已裝了唧咀袋內,唧出型狀放在牛油紙盤上.
6. 放入已預熱焗爐內180度焗10-15分鐘至金黃, 再轉150度焗5-10分鐘 (熄火焗一會收乾水份, 曲奇會更鬆化)
7. 取出放在放涼架至涼後即放入密實盒

(食譜來自 AM730 廚神 輝 Sir)