今日翻睇日記，原來我哋一齊生活已經 10 年喇。諗返起 07 年發生嗰件事，加速咗我哋決定一齊生活，亦都造就咗今日呢個家。人哋成日話：「開心嘅時候，日子特別容易過。」過去呢 10 年，甜蜜開心嘅日子確實佔咗大多數；但「火爆同失控」嘅時刻都唔少，特別係過去呢兩年，一個接一個大 Project 出現，意見分歧簡直係家常便飯。好彩，每次爆完、拗完，只要肯溝通，最後都可以一一解決。
所以我係咁諗：兩個人有唔同睇法，其實唔係壞事。最緊要係對方明白你點解咁諗，然後一齊搵個解決方法。呢個磨合嘅過程，就係我哋嘅 Winning Equation。
我相信未來嘅日子一定會更精彩。有你呢個「賭仔」同行，人生又點會無聊呢 😉
日後，亦都請你繼續多多關照 😁
 |
| 我們愛的方式 |
No comments:
Post a Comment