中秋過後天氣好好，愛人提議「Try Try something new」，鍾意新鮮感嘅我當然 Like 啦！我哋如常帶支水、噴定蚊怕水，就起行了。佢揀咗一條多年前行過嘅路線。下晝 3 點，我哋由大潭水塘道嘅「紫羅蘭山徑」出發，預計兩個半鐘行到淺水灣。出發嗰陣我滿心歡喜，以為呢條路同平時行開嘅家樂徑（Family Walk）差唔多，可以手拖手、邊行邊講笑，輕輕鬆鬆就到目的地。
點知，現實真係「不似預期」。路越行越窄，中間仲佈滿石頭。唔好話兩個人手拖手，就算一個人行都要小心翼翼。
我忍唔住問佢：『呢段路你真係行過？』
佢竟然答我：『行過，30 多年前。』
 |
但由於人被分開之前係背對背嘅，從來未見過對方嘅樣貌，所以就算有一日真係遇見，都好可能會擦身而過。自從人類被分成兩半之後，每個人都會不期然咁掛住自己嘅另一半，好希望可以搵返嗰個失落咗嘅自己。
原來，愛情係一個關於「自己尋找自己」嘅故事。如果正如故事所講，你就是我，我就是你——咁遇見你，其實就係搵返嗰個完整嘅自己。
 |
 |
| 餐紙上的杯印，在她眼中是米奇老鼠的臉 |
 |
| 瓶上的人像是她眼中的我，還是她自己呢？ |
 |
| Hot cocoa with marshmallows, love it ;) |
口講無憑嘅說話，時間耐咗，唔單止講嗰個會忘記，聽嗰個可能都記唔起。
今日清理文件夾嗰陣，無意中搵到一張早年收到嘅名信片同一個甜蜜嘅 Email。隔咗咁多年再睇返，心入面依然係甜絲絲嘅，呢個就係文字嘅威力。有時用文字去紀錄生活點滴，比起相片或者影片，反而多咗一份想像空間。就算第時年紀大咗、記性差咗，只要翻開呢份「網絡日誌」，隨時都可以重溫以前嘅日子。
時間過得真係快，數數手指，同你一齊生活已經快 9 年喇。而家最期待嘅，就係 Project A 可以順利完成，等我哋可以一齊展開新嘅一頁。
目標一致，身體健康，開開心心。;) Happy Together!
 |
| 2011年收到愛人從Amsterdam 寄來的名信片 |
