夏日炎炎

今日好天氣，出戶外吸收太陽的正能量 😀

 

難為了父母

因為大姊快要回加拿大，所以今晚特意為她餞行，攪了一個『兩日一夜，姐妹相聚』Party。當然今晚唔少得，她最愛的『清蒸原隻大花蟹』。所以幫佢打個咭先，其實這個都是我的Favorite 😍 。 

興幸我們的感情不錯，大家都是大家的傾訴對象，無論係開心或者唔開心嘅時候，都有人同你分享和分擔。 希望佢心煩嘅事，快點圓滿解決，我相信明天一定會更好！

學以致用

從《原則》中學會了如何創造美滿人生的方程式。今天我利用書中的一些原則，化解了一個我們之間重複出現的危機，我把它稱為「肚餓危機」。今次算得上是學以致用，It was a great fight, yeah!

東宮西宮

退休後，我將原本嘅書房改成我嘅小天地，從此我哋就分房睡。

你在「東宮」，我在「西宮」，各有各睡，互不打擾。咁樣嘅新安排，人哋知道咗，仲以為我哋嘅感情出咗問題 🙋🙋‍♀️。多謝關心 😁！你哋搞錯咗喇，我哋係為咗追求更好嘅睡眠質素，唔想被各自嘅「鼻鼾聲」影響對方。

雖然係分房睡，但我哋嘅睡前儀式並無改變，每晚依然繼續我哋嘅「Pillow Talk」。

人生另一階段

每個人都同我講：恭喜恭喜！大家唔知嘅係，其實我仲好後生，只係「被退休」，哈哈 😄。

既然「主人」安排我退休，我就用開放嘅態度，接受佢提供嘅「肥雞 Offer」，好好享受提早咗嘅退休生活。我要趁呢段時間，實現自己一直埋怨無時間去做、但又好鍾意做嘅事。

由今日開始好好學習 📚，做一個快樂又有智慧嘅「大小孩」。

新年快樂 2023

今年出外渡歲，希望過一個不一樣的新年 ！

COVID 驚魂

今次老貓燒鬚了 😁！

一直以來我哋都防範得好好，點知 COVID 期間有一日，測試結果顯示老公「中招」了。當時佢有微微發燒，大約 99.8 度。喺當時嘅環境，隔離當然係首要任務。我哋即刻採取最高規格嘅預防措施：分開食飯、分房瞓，完全唔敢有半點鬆懈。雖然我唔係醫生，但我係一個最專業嘅「護理員」。我可以做嘅，就是每日提供最美味嘅食物，仲要配埋精緻嘅擺盤，等佢覺得自己好似喺五星級酒店隔離緊咁。

最令人安慰嘅係，喺呢段時間，我同工人姐姐都完全冇被感染，全家安全過關！呢場驚魂，總算喺美食同零感染之中圓滿結束。

Thank you for your support

過年前我約了例行洗牙，牙醫發現有一隻多年前因蛀牙修補過的大牙出了問題，需要重新修補。不知何解，修補後那隻大牙反而感到痛楚。第二天再去看醫生，醫生開了一個抗生素療程給我。吃藥後，牙已不痛，這事情就不了了之。

過了數月後的一天，我發現那大牙附近生了一個瘡，這樣的口瘡，是我人生第一次，當時確實有點驚慌。馬上約時間去看醫生，原來我係牙髓發炎，需要做根管治療，即係俗稱的「杜牙根」😱。

聽講杜牙根好痛，其實每次見牙醫已經好驚……唔通今次真係俾「蝙蝠俠」講中：「嘩，你啲牙爛晒啦！」

經過一個半月的療程，那隻出了事的牙終於修復了。今次真的上了一課，幸好一直有你在身邊支持，事情總算順利完成。Thank you for your support 😃 !! 

康復了

一早起來見到我的幸福樹變成這個樣子，真的嚇死我了。馬上幫它急救，幸好幾個小時後它就慢慢見起色。今天肯定他已經康復過來，更長出新葉子。人跟植物一樣，要有足夠水份和太陽，我們也要好好保重身體，才能快樂地生活。

Dry-aged beef @ REX Wine & Grill

只飲了一杯紅酒和一杯白酒，我就給他劈醉了😅 

Birthday dinner @ Arbor

Happy Birthday to you ... happy birthday to my love, happy birthday to you 😘 祝您身體健康，隨心所欲，開開心心，繼續「我倆手拖手，邊行邊說笑」！ 

雖然今日係你嘅生日，但我還是要同你講：ごちそうさまでした，因為你係老細 😜。

呢個甜品好特別，叫做 genmaicha & caviar，造型扮軍艦壽司，裏面有玄米茶雪糕，紫菜，魚子醬。。。 係一個有趣嘅組合。 

Arbor : 2021 / 2 Stars

25/F, H Queen's, 80 Queen's Road Central, HK

https://www.arbor-hk.com
https://guide.michelin.com/hk/en/hong-kong-region/hong-kong/restaurant/arbor

 

Sunday Brunch

今天一邊看書，一邊吃我們的 Sunday Brunch，好味😋 ！

龍蝦泡飯

點解有人咁鍾意食龍蝦? 唔知佢係鍾意龍蝦的味道，還是掛念以往免費食龍蝦的感覺？

我家的龍蝦食法是「一蝦兩吃」，第一吃是將龍蝦起肉切片，用鰹魚清湯輕灼，配以 Wasabi 豉油來吃。而留起的龍蝦頭和尾部的殼會加鰹魚清湯熬製湯底來整龍蝦泡飯。這個「兩吃」做法，本來巳很不錯，客人也大愛。但橋王今天想做一個簡單的一吃版本，還親自下廚，將所有的龍蝦肉切粒，放入泡飯中，結果係龍蝦多過飯，我認為這個一吃食法要改名做「 富貴龍蝦球泡飯」😅。

龍蝦泡飯：
本地花龍： 3隻（1斤半）
湯底：2個鰹魚湯包，1公升水
其他配料：脆米，芝麻，青蔥，芫荽，蛋一隻

人生如遊戲

「大富翁」不僅是一場遊戲，更是一堂生動的理財課。孩子在擲骰與買賣之間，提早預演人生的「順境」與「逆境」。我們希望孩子學到的，不只是如何贏得資產，而是在面對低潮時，依然擁有相信自己的勇氣。願他們長大後，無論風雨，都能保持永不言敗的精神，成為自己生命中真正的大贏家！

 

在一起

 今天就你和我，在一起 💖

自相矛盾

人能長生不老嗎？衰老是每個人無法避免嘅過程，但抗老化，減低身體因老化而帶來嘅痛苦，是我們嘅目標。我們想要的不單是外貌，同時希望身體能健康一點，可以盡情享受生活。是時候要重新審視我們的生活習慣，減少違規行為。

 

Art Basel 2022

Art Basel 又來了，星期五的下午人流不算太多，我們花了一個半小時就觀賞完畢。今次我在觀賞藝術展品，而人家就在睇真人展品 😅 算是各得其所吧！