重遊舊地

這次澳遊的安排實在太完美了，真的要給你打個滿分 💯。食好住好不在話下，仲有「超豪托兒所」的新體驗，感覺真的很爽。

今次重遊舊地，感覺煥然一新，一掃我以前對這個國家的看法。原來問題不在於這個國家，而在於當時與我同行的旅伴。所以今次重遊舊地，感覺大不同。正如你所說：「呢度環境好，嚟咗不久，肚腩細咗，仲有啲胸肌，又搵到錢，又健康！」

既然咁好，真係搵唔到一個拒絕移民呢度嘅理由！

＊愛人果然係「抽神」，喺澳洲梗係抽個「牧羊人」啦！

退休一周年

「被退休」已經一年了，生活方式沒有太大改變。現在不用返工，每天做自己喜歡做的事 💕，退休後的生活是愉快的。我要衷心地感謝您，為我們這個家努力工作。希望在未來的日子裡，大家繼續共同努力：你負責「賺錢養家」，我負責「貌美如花」✌️。

I love you ❣️

Art Basel 2024

2018 年第一次入場看這種國際性的藝術博覽會，傻瓜的我根本不知道 Art Central 跟 Art Basel 有什麼分別。雖然我對藝術品的所知不多，但這份新鮮感，給予了我非常好的體驗。

所以往後幾年，只要有免費入場券，我必定抽空入場觀看。但參與了幾年之後，新鮮感漸漸淡去，加上在場打卡的人實在太多了，我開始對這個博覽會失去興趣。今年入場，原本只是為了兌現去年對她的承諾，但意想不到的是，竟然是由她帶領我用「不帶偏見和喜好」的角度，去重新欣賞這些藝術品。

重光紀念日

2019 年的 3 月 22 日是我們的「重見光明日」，那天我們選擇了吃日本壽司，今天同樣是日本菜，但我們選了簡簡單單的拉麵，來慶祝這個特別的日子。

今天的天氣跟 5 年前一樣風和日麗，所以午飯後我們漫步海灘，消耗一下剛才攝取的澱粉質。在吸收維他命 D 的同時，也為我們的「愛情充電器」充電！

我的第一個蘋果

呢部 40GB iPod 係我人生第一次擁有嘅蘋果產品，亦係你送畀我嘅第一份禮物，至今已經 21 年了。

回想起 2003 年收到呢份生日禮物嘅時候，我哋仲未係情侶關係，只係一對感情好好嘅朋友。雖然我已經無用佢嚟聽歌，但其實佢依然運作正常，當年嘅蘋果產品果然名副其實係「高質」，竟然可以經得起廿多年嘅時間考驗。

對我嚟講，呢部機唔單止係一部電子產品，直情係我哋感情嘅「原始紀錄儀」。雖然當時大家仲係以朋友相稱，但入面裝載住嘅歌曲，其實已經偷偷紀錄咗嗰段最微妙、最甜蜜嘅曖昧時光。

即便科技不斷進步，我哋手上嘅裝置換咗一部又一部，但呢份「第一次」嘅心動，同埋呢部機依然跳動嘅硬碟聲，永遠都係我心入面既珍貴又不可替代嘅收藏。

我的第一部車

旅行返嚟之後，今日繼續整理我嘅人生。

翻睇舊日記，發現咗一篇好有趣嘅文章，好想紀錄返當時第一次收到你送畀我嘅名貴禮物——我嘅第一架車，同埋第一日揸車返工嗰種心驚膽戰。

嗰日係 2006 年 5 月 10 日，我帶住既驚喜、又憂慮嘅心情將佢帶返屋企。除咗架車，呢個車牌對我嚟講真係太有意思喇，雖然凡人未必睇得明，但呢啲密碼只有「仙子」先至會知 😂。

點解愛人要送呢份大禮畀我？全因為當時公司搬咗，路程遠咗，揸車返工變咗係較好嘅選擇。但對於一個「新牌仔」嚟講，嗰段路確實係有啲艱難，加上笨拙嘅我，第一日揸車返工嘅感覺真係好狼狽。

幸好，最忐忑嘅起步點有愛人相伴，總算順利過咗關；之後嘅日子，就要靠自己喇。當時我係咁諗：「希望每天也能安安全全出車去，快快樂樂回家來！」

聲東擊西

這一次，你贏；但不是我輸 😎，輸嘅係MO大哥 😄 。不過我需要向『橋王』致敬，你好嘢 👍👏 ！這一招，果然行得通，佢又點估到一個㨂4，另一個㨂21，咁狡猾！

   

THEVAR

今晚依2粒星係海外的 THEVAR，對我們來說是特別的，除了是興祝我們的17周年，還有是第一次收集『印度星星』 💫 。當然贏晒嘅係我嘅新鮮感，味道完勝另一間價錢可以媲美 Eleven Madison Park 的法國星星。 間餐廳嘅外貌平平無奇，行過咗幾乎見唔到佢。入面亦不是好大，座位唔多，裝修比較普通，但食物味道贏晒！

世界級

某天早上，愛人跟我說，今日給你兩個驚喜。一個係我們會去星加坡，另一個係買咗兩張 Taylor Swift 嘅炒飛。實在太驚喜了，首先我不是 Taylor 迷，我只聽過一首佢嘅歌，而且我們這把年紀 😜 ⋯⋯ 愛人安慰我，不用擔心，我買嘅係VIP飛，個位好前，入場會有特別通道，唔會同人迫。聽後，我心想應該不會太糟吧。 前車可鑑，去之前先做點功課，否則跟其他 die heart fans 格格不入，冇癮收場。所以起行前，上網找找佢嘅資料，原來這位巨星的成功故事，同是包含了對音樂嘅熱誠，不跟規矩嘅行事方式，加上不斷變招，一次又一次的打破紀錄。我終於明白了，我們為何要越洋睇佢嘅演唱會。

演唱會當天一共有六萬幾人到場，這種盛大嘅場面我都是第一次參加。雖然當日天氣不似預期，我們找不到那條特別通道進場，而且好鬼迫人，搞到成身濕晒，仲要企足兩個幾鐘。我仍然覺得這次越洋參與是值得的，因為這是『世界級』！

雖然之前去過幾次新加坡，但今次感受大不同。同樣是夜遊 Marina Bay，一樣是那條 Merlion，不知是否心情不同，級數不一樣，今日眼中的新加坡靚咗好多，高貴咗好多 😜 ！

Saint Pierre

今次在新加坡要收集嘅第一間星星餐廳就是座落於Fullerton Hotel附近的2星💫法國餐廳 Saint Pierre， 景觀一絕，對面正正就是 Marina Bay Sands。不過食物和擺盤就沒有太大驚喜，不知是否我們嘴刁了 😜 感覺就是普普通通，但價錢就有點貴嘅感覺。

從新認識你

今天的美味茶點是「星星啤」配意大利火腿和松露芝士，而不是慣常的白酒，希望這個新配搭會帶來不同的味覺體驗。正如稍後的重遊舊地，同一個地方換上不同的人物，相信會是一個很不一樣的旅程。今次有愛人同行，相信會完勝 28 年前那次不似預期嘅經歷，讓我從新認識你！

續約

你同我講：「希望下一世，你都係我老婆」，當時我真係開心到飛起 😄。

如果下一世，你真係再同我一齊，我希望「你做我老婆，老婆我愛你呀！」。因為今生你欠我嘅，下世就可以還返畀我，哈哈 😂 🤣。

我想要三個（小朋友），就按你嘅意願：首先係大仔，跟住係二女，至於第三個，係仔係女都唔係問題。重點係外貌要似我，智慧要似你。雖然我智商唔比你差得遠，但論「好橋」，我始終唔夠你多。

至於呢份「續約」，成交啦！

找對的人

找到一個對的人，是給自己最好的禮物。真正的愛，不是改變對方，而是一起成長。Thank you for loving me 😘

💗 首次得到蝦仔哥的確認和祝福，佢話：「你無揀錯」，我們隨即相視而笑，哈哈大笑了 😁！

Happy Hour

很久沒有跟愛人一起 Happy Hour 了，今天我們在數當年，渡過了一個愉快嘅下午！

新年快樂 2024

回來不久，2024的農曆新年就到了。所以簡單的買了些年花，加上自製的日本賀年裝飾，配上『犬張子BB』，希望今年大家身體健康，竹報平安，幸福快樂！

累了！

『潤滑油』累了，原來『放棄』也是一種解決方法，因為人生總會遇到很多憑着個人力量而無法處理的事情。感到無力時，不要勉強自己，畢竟這也是人家的事，盡了力，就好了～放下吧！

 

一雞兩吃歐遊篇

這是愛人最喜歡的遊玩方式『一雞兩吃』！

銀杏葉

今天在家繼續『整理人生』，清理舊文件時發現這片銀杏葉，是10年前姐妹四人同遊韓國『南怡島』時帶走的。 我們跟這片銀杏葉差不多，銀杏葉乾了，姐妹們也老了 😆😂😀 。

最愛的PIZZA

今天兌現去年給阿玉的承諾，約了她玩下食下。她介紹我去了一間佢認為最好食嘅餐廳，叫了一個她最愛嘅Pizza，果然是小朋友嘅口味。It's not my cup of tea, 不過最重要係你鍾意 ❤️ 。

回憶

喺其他人眼中佢哋只係卡通人物，但對我嚟講，佢哋代表住唔同年代嘅我：無嘴巴、唔識講嘢，但係最好嘅聆聽者。我同佢哋一樣，做了一個無聲嘅守護者，將所有聽返嚟嘅秘密，永遠藏喺心底。