潤喉清熱羅漢果水

有日與幾個友人吃飯, 當中一位靚太向我們推介『羅漢果水』。羅漢果水有潤喉, 潤肺, 清熱的功效, 四季皆宜, 常飲非常有益。回家後上網找找, 原來羅漢果有助排毒, 去色班, 減肥, 對糖尿病, 胃痛, 高血壓, 便秘等等的問題也有舒緩作用。一個小小的羅漢果, 其功效之多使我有點意外。

材料：

羅漢果 ...1個

水 ... 2公升

南北杏 ... 少許 (可以不加）

薑 ... 幾片(可以不加）

做法：

將所有材料放入煲中, 水滾後轉小火煲 30 至 40分鐘, 熄火焗30分鐘, 即可飲用。

小提示：

1）據靚太所說, 如有咳, 可加少許南北杏。如體質屬涼, 可加幾片薑。我個人覺得加了南北杏的味道更佳：）

2）冷飲, 熱飲一樣咁好味。一次可煲2個份量，放入雪櫃飲用數天。

上星期日 TVB 的飲食節目『為食總司令』也推介羅漢果水，“龍皇酒樓” 老板幟哥還在節目中教大家怎樣選羅漢果。點擊這裡收看