捧腹大笑

今晚 Jimmy O.Yang On Stage with UBS 個Show 真係好好睇，完全冇冷場，由頭笑到落尾。整晚嘅笑話都係圍繞我哋熟悉嘅國家，同埋文化。用語簡單，所以聽得明，要有共鳴先至識得笑。佢有段「孝子」笑話嘅邏輯非常之有佢嘅風格：個笑話大意係講 Jimmy 嘅父母（特別係佢老竇 Richard）係典型嘅香港移民家長。對佢老竇嚟講，世界上只有幾份職業係「正當」嘅：律師、醫生、或者喺投資銀行工作。當佢同老竇講要做 Comedian（喜劇演員）嗰陣，佢老竇係極度失望，覺得呢行「唔係路」。

Jimmy 講：「我老竇當年最想我入 UBS 或者呢啲大銀行做，覺得咁先係成功。我當年冇聽佢話，走咗去做戲、講棟篤笑。但係點估到，今日 UBS 竟然要俾錢請我番嚟講嘢。所以我今晚企喺呢度，其實已經圓咗我老竇個夢——我終於入咗 UBS 工作喇！」用呢種自嘲方式帶出咗佢身為亞裔喜劇演員嘅奮鬥史，同時又好得體咁「擦」咗主辦單位鞋，亦令全場觀眾非常有共鳴。

我同愛人講：「雖然呢張飛係 UBS 送嘅，但老實講，就算要我自己出錢買飛入場我都肯，因為真係好笑到值返晒！」多謝你陪我渡過一個非常快樂的晚上！💖