Art Basel 2022

Art Basel 又來了，星期五的下午人流不算太多，我們花了一個半小時就觀賞完畢。今次我在觀賞藝術展品，而人家就在睇真人展品 😅 算是各得其所吧！

我唔想跟你姓麥

四年冇沖涼， 夏天快到， 非常嗱渣嘅「蝙蝠俠」要沖涼啦。洗完白白，乾淨晒！

幫你打個卡先 ✌️ 😂 

一場比賽

比賽論輸贏，無論你喜歡與否，極力爭取戰勝對方是比賽嘅目標，因為一係你贏我輸，一係我贏你輸！

兩人一齊生活，無可避免總會喺日常生活中，因小事而爭拗。因為你我有著唔盡相同嘅性格同成長經歷，爭拗是兩人磨合必經嘅過程。如果雙方願意花氣力去爭拗，就代表彼此之間仲有愛，願意為改善關係而努力。希望通過爭拗，了解對方嘅諗法，搵出兩人嘅平衡點。所以，爭拗並非壞事，重點係「你我如何面對每場爭拗」。

本來是小事一樁：
A：點解咁臭嘅？
B：我隻腳有汗囉。
A：你係唔係香港腳呀？不如睇吓醫生啦。
B：睇咩醫生呀！我都唔係香港腳，之前講過啦，你又講。
A：我都係關心你啫。
B：你語氣差，態度唔好，你以前都唔係咁樣。
A：我點樣態度差呀？
B：你係盤緊我，我最憎人盤我。 。 。你怕我嘅香港腳？咁分開住啦！

當時 A 君好努力地「不斷解釋點解咁問」，而 B 君就「起勁地投訴 A 君嘅態度同語氣」。其實大家都覺得被「屈」了，「戰爭」就係咁一觸即發！大家都在打怪獸，希望戰勝對方，爭論誰對誰錯；越想證明自己冇錯，結果越係兩敗俱傷。

有些事情，並不是越辯越明，反而會越描越黑。就正如枕邊談話（Pillow talk），「依家唔係辯論嘅時候」。所以雙方只有放棄「對與錯」嘅爭辯，明白這次爭拗只係「角度問題」，而唔係「是非問題」，唔再極力駁倒對方。往往爭拗只係「情緒嘅發洩」，所以必須「先處理情緒，再處理事情」。否則爭拗過後只會傷咗感情，而事情又得唔到解決。好彩最終呢場「臭腳事件」很快就得到解決。

緊記：我們不是在比賽，贏咗場交，輸咗個家。 We are lovers, not enemies :)

** 原來隻怪獸係這對拖鞋，琴晚巳經「清洗和消毒」 ✌

 

我們的故事

原來我和他一起巳經二十幾年了，幸好你還是保養得不錯。 在我人生最艱難嘅時候，有你相伴，謝謝你為我帶來溫暖，今天我們的家庭成員越來越多，每位成員嘅加入，背後都有一個小故事，你們知道嗎？

Top Gun: Maverick

1986年上映嘅第一集『壯志凌雲』是我們嘅集體回憶，當時票房大收，而湯告魯斯就在全球爆紅。愛人一直很期待第二集上映，等了又等，今個月終於有得睇啦。

鹽焗奄仔蟹

第一次嘅「鹽焗奄仔蟹」，做法好簡單，只用了2斤粗鹽和一茶匙的五香粉。其實味道是可以的，但今日買的奄仔蟹有點細，所以能吃的不是太多呢 😜 。下次再整時要記得「不要去除蟹後面個 pat pat 位」，只要揭開唧走排泄物，因為今次有不少的蟹膏流了出來，浪費了！ 

* 先炒熱粗鹽，再加五香粉，加入五香粉後要小心，五香粉易被炒燶。當鹽夠熱，先拿走一半嘅鹽，將蟹排在鹽的上面，把剛才拿起的一半鹽放在蟹的上面，焗了10分鐘。

美食之旅：香港篇 欣圖軒

集星行動中，一早收到花，是五月嘅牡丹花。可能是太過開心，忘了相機食先，只影了以下幾款點心 😜 嫲嫲大愛當中那款「浮誇」嘅甜品 - 冰鎮芒果西米露。

Yan Toh Heen (欣圖軒) : 2022 / 2 Stars

Regent Hong Kong

18 Salisbury Road, Kowloon, Hong Kong

https://hongkong.regenthotels.com/zh-hant/yan-toh-heen/

https://guide.michelin.com/hk/zh_HK/hong-kong-region/hong-kong/restaurant/yan-toh-heen

幸福樹

在 Muji 閒逛時，被它的形態吸引了，小小一個盆栽有「大樹好遮蔭」嘅感覺，拿起來一看原來它叫「幸福樹」，名字改得這麼好， 決定帶回家。 短短一個月它巳長高了3 厘米，有點像看着一個小朋友嘅成長，你大得太快了。 我在理性與感性之間徘徊，我知道冇理由阻住你成長， 但又實在喜歡你迷你嘅身形，心情實在矛盾。 

👆快高長大了 

美食之旅：香港篇 Yardbird

以前放咗工，特別係星期五嘅晚上，總喜歡約會幾個朋友出嚟食飯。通常早到的，都會先去飲杯嘢，等齊人再開飯。今晚雖然只得你和我，但在這個時段飲嘢，好似「時光倒流 30 年」，好興奮，好愉快 😀  飲完一杯又一杯。先來一杯啤酒，跟住轉飲白酒，大量酒精入境，睡魔快要來訪！ 是晚的 Best food No. 1: Ume Thigh, No. 2: Meatball, No. 3: Liver Mousse 👏   

Yardbird : 2021 / 1 Star

G/F, 154-158 Wing Lok Street, Sheung Wan, HK

https://yardbirdrestaurant.com/info
https://guide.michelin.com/hk/zh_HK/hong-kong-region/hong-kong/restaurant/yardbird

美食之旅：香港篇 Ryota

如果不是疫情關係，就不用等咁耐先可品嚐這裡嘅美食，日本菜餓得太耐了，好味呀 😋 

Ryota Kappou Modern : 2020 / 1 Star

21F, 18 On Lan Street, Central, HK

https://www.ryota.hk/

https://guide.michelin.com/hk/zh_HK/hong-kong-region/hong-kong/restaurant/ryota-kappou-modern

美食之旅：香港篇 彤福軒

今日同爸爸補祝生日，選了順德菜中有名嘅「彤福軒」，還訂了個私人包廂，希望大家食得安全啲。因為大少爺要去7點才到， 所以先點一些頭盤，配搭品酒師為我們揀選嘅奧地利紅酒 - 2012 年 Pinot Noir - Blauburgunder - WEINGUT BRUNDLMAYER。剛好就是我最愛的提子，這款提子味道較淡，剛好配襯我們嘅頭盤。但估不到爸爸也愛這味道，他從來也很專一，只愛 Merlot ，而不是我愛的 Pinot Noir。 不專業的我又忘了「相機食先」，有好幾個菜式都忘了拍照。 今次預訂了名菜「富貴雞」，希望爸爸「身體健康，長命富貴」。

The Legacy House (彤福軒)
Rosewood Hong Kong
5/F, Rosewood Hong Kong
https://www.rosewoodhotels.com/tc/hong-kong/dining/the-legacy-house
https://guide.michelin.com/hk/zh_HK/hong-kong-region/hong-kong/restaurant/the-legacy-house

外で食べます

第五波疫情後第一餐出外吃飯，當然係揀選我哋最鍾意嘅食物「第一位」-「大家樂」👊 👏 

  

快樂時光

今日做了午時運動，又早收工，時間尚早，做些「違規」事，提升我的快樂指數。

賜教

這個健康小食很常見，我一直稱它為「牛油果醬 / Avocado Spread」。原來正確名稱是西班牙語的 Guacamole "(g) waka' mole" ，來自一位喜歡這小吃嘅小朋友 👍。 

深層睡眠的重要

深層睡眠（Deep Sleep）是睡眠周期嘅一部份。進入深層睡眠時，大腦同身體都會陷入低度活動嘅狀態。

好多人話年紀越大，睡眠質素就越差。但我認為我嘅睡眠質素從來都唔係咁好，好多時大腦都無法真正休息，身體喺睡眠時亦未能好好放鬆，早上起身常感疲倦。近年開始使用 Apple Watch 嘅睡眠偵測 App 紀錄每晚嘅睡眠狀態，希望能夠改善因膊頭酸痛而引致嘅頭暈問題。

過去幾年通過運動、改變生活習慣、服用補充劑等方法，有效取得足夠嘅深層睡眠。足夠嘅深層睡眠能回復身體能量、促進細胞再生、增加肌肉嘅血液供應、幫助身體組織同骨骼嘅增生與修復，另外仲可以強化免疫系統。

因疫情嘅出現，改變咗我哋嘅生活習慣。最近嘅深層睡眠時間確實差咗好多，數字說明一切，我要好好正視呢個問題喇！