法式燉蛋系列(1) ~ 抹茶

原來我大家姐好鐘意食『法式燉蛋』,依款甜品材料簡單, 好味易整配搭多, 加抹茶變抹茶法式燉蛋, 加芝麻就變芝麻法式燉蛋, 加薑汁當然就係薑汁法式燉蛋啦, 『你』鍾意邊款多Ｄ呢, 話我知下次整俾你食？依款甜品無難度, 唯一唔少得係『一枝槍』, 一枝安全好用嘅火槍。一槍在手, 要焦唔洗憂！

hahaha...焦糖無得走！燒得好焦呀。



材料：2 杯份
忌廉...100克
牛奶...100克
糖...12克（我減了糖, 原食譜15g）
抹茶粉...1茶匙
蛋黃...4隻
雲呢拿油...少許

做法：
1. 用少少熱水將抹茶粉開成抹茶水(不要直接將抹茶粉倒入鍋中, 否則很難拌勻。）
2. 將糖,忌廉,牛奶放入鍋中用小火煮至將滾, 熄火加入雲呢拿油拌勻。
3. 將蛋黃打散, 倒入（2）中拌勻, 過篩, 倒入焗杯中。
4. 預熱焗爐120度, 坐水焗約35分鐘。出爐後稍放涼, 在燉蛋表面灑上砂糖, 用火槍燒至焦糖即成。