雙拼

一直鼓唔起勇氣再做第一次就失敗了嘅「杞子桂花糕」, 因為整得實在太難食！一個忽發奇想：通透嘅桂花糕 crossover 雪白嘅杏仁豆腐, 唔知味道會點呢? 會係: 又有桂花味, 又有杏仁味, 岩味岩晒你 。定還是: 太多桂花味, 杏仁味就無碇企, 等到杏仁味多翻黎, 桂花味又唔爭氣。。。結果係: 桂花味無定企。




桂花糕材料
熱水... 125ml
凍水...100ml
魚膠粉...12g
糖...40g
桂花糖...1湯匙

桂花糕做法：
1) 將魚膠粉加糖混合, 加入熱水拌勻至完全溶解。（可坐熱水加快溶解）
2) 將桂花糖加入拌勻後, 再加入凍水拌勻。
3) 倒入模中待涼後放入雪櫃內雪約30分鐘。
4) 凝固後將杏仁豆腐慢慢倒在桂花糕上,放入雪櫃內凝固。

杏仁豆腐材料及做法

去濕粉葛湯

山谷天氣濕, 墻身發霉, 以免人都發霉, 除左可以開冷氣抽濕外, 仲可以煲個赤小豆粉葛湯去濕防霉。

材料：
粉葛/赤小豆/紅蘿蔔/紅棗/豬展

杏仁豆腐

用杏仁磨汁做出黎嘅杏仁凍豆腐會比用杏仁香精好味嗎? 用野生嘅龍皇杏確實麻煩D, 又要去皮又要磨汁, 但做出來味道真係好好多喎, 工夫多D都值得啦!





材料: 食譜來源~蘋果日報
北海道牛奶 ... 200毫升(我用左高鈣低脂奶）
龍皇杏(什麼是龍皇杏?) ... 50克
砂糖 ... 2湯匙（我減了甜, 1.5湯匙）
魚膠片 ... 5克
水 ...100毫升

做法:
1. 杏仁去皮後加水倒入攪拌機打至稀糊狀, 倒入魚湯袋隔渣成杏汁 。
2. 魚膠片浸凍水至軟身備用 。
3. 牛奶加杏汁, 砂糖及魚膠片, 隔熱水坐溶後倒入碗 。
4. 放入雪櫃雪30分鐘即成 。

法式燉蛋系列(2) ~ 薑汁

收到啦, 知你鍾意抹茶味! :)
今日work from home, Lunch試做薑汁味, 減左5g嘅鮮奶, 加左10g嘅薑汁, 登登登登...心形薑汁燉蛋, 面層香脆內里軟滑, 你會唔會變心呢？依個甜品實在太太太簡單, 用左10分鐘個燉蛋已經預備好可以入爐, 如果唔係整薑汁較煩...可以更快手! 我覺得薑汁比抹茶更好味, 唔知同心情有無關係呢? ;P

法式燉蛋系列(1) ~ 抹茶

原來我大家姐好鐘意食『法式燉蛋』,依款甜品材料簡單, 好味易整配搭多, 加抹茶變抹茶法式燉蛋, 加芝麻就變芝麻法式燉蛋, 加薑汁當然就係薑汁法式燉蛋啦, 『你』鍾意邊款多Ｄ呢, 話我知下次整俾你食？依款甜品無難度, 唯一唔少得係『一枝槍』, 一枝安全好用嘅火槍。一槍在手, 要焦唔洗憂！

hahaha...焦糖無得走！燒得好焦呀。



材料：2 杯份
忌廉...100克
牛奶...100克
糖...12克（我減了糖, 原食譜15g）
抹茶粉...1茶匙
蛋黃...4隻
雲呢拿油...少許

做法：
1. 用少少熱水將抹茶粉開成抹茶水(不要直接將抹茶粉倒入鍋中, 否則很難拌勻。）
2. 將糖,忌廉,牛奶放入鍋中用小火煮至將滾, 熄火加入雲呢拿油拌勻。
3. 將蛋黃打散, 倒入（2）中拌勻, 過篩, 倒入焗杯中。
4. 預熱焗爐120度, 坐水焗約35分鐘。出爐後稍放涼, 在燉蛋表面灑上砂糖, 用火槍燒至焦糖即成。

玻璃曲奇 for sweetie

買到糖啦 :) 今晚開工做「玻璃曲奇」送俾果位好有義氣嘅靚女, 為左人地要將心愛嘅長頭髪剪短, 雖然唔知道長頭髪還是短頭髪靚Ｄ, 不過『內在』就一定比以前靚啦！

Yeah...成功啦, D玻璃無穿到好完整, 不過泡泡就好似多左Ｄ, 好彩無破壞依個咁可愛嘅心心, 希望靚女鍾意啦！




食譜來自:Vanlily BreaDessert

材料：
牛油...100g
糖粉...60g
雞蛋...40g
低筋麵粉...200g
泡打粉...2g
鹽...2g

1)室溫放軟牛油,加入糖粉及鹽打至鬆發
2)逐少加入雞蛋,直至蛋完全混入牛油糊
3)篩入低筋麵粉及泡打粉,以切伴方法伴勻
4)弄成糰放入凍格雪1小時以上,取後後碌平,用餅模印出曲奇
5)將果汁糖壓碎,放在曲奇中央,以160c焗15mins至金黃色及糖溶
6)出爐後要等曲奇完全涼透便可取出

*果汁糖可以不用壓得太碎,否則會有很多汽泡的,每粒果汁糖約分開一半就可以
*曲奇可以印得厚一些, 效果會好一點
*焗的中途, 留意每塊曲奇果汁糖的份量, 如果太少可以中途加上, 不要做到"穿""玻璃哦~

菠菜汁長通粉

愛上睇Asian Food Channel嘅 Chef at Home by Michael Smith , 每次睇完都好想即時學煮。Michael Smith提倡依照個人喜好做自己嘅食譜, 教人用簡單食材, 為家人同朋友自家做美味食物。依個菠菜汁長通粉係靠記憶煮嘅, 食材差不多跟足, 除左鼠尾草(sage), 因為買唔到。煮出黎個賣相當唔錯, 不過依款較creamy嘅pasta唔係我杯茶, 我都係鍾意蕃茄汁嘅pasta多Ｄ。

蒜香蘑菇蕃茄意粉

前幾日餘低嘅材料, 今日要黎個大掃除, 蘑菇４粒, 蕃茄5粒, 玉米少少, 蒜頭5粒, 同樣嘅配料用左不同嘅煮法, 味道大不同。依款意粉做法簡單, 唔好再俾藉口自己食快熟味精意粉。做法按此

續...朱古力紅桑子慕斯蛋糕

朋友仔留左一件俾我今日享用, 星期天得閒可以玩下裝飾 ~ 我想練下字, 希望下次再寫生日餅嘅時候可以寫得靚Ｄ。

朱古力紅桑子慕斯蛋糕 for Evan

第一次為她人做生日蛋糕, 為求特別, 簡左朱古力紅桑子慕斯蛋糕, 如果無朋友仔幫忙實在無信心, 因為個蛋糕食譜好似唔太難, 其實工序煩複, 我地１點幾開工, 個蛋糕最終要６點幾先完成, 中間絕無偷懶, 連Lunch都無食, 可想而知幾煩複啦, 不過依次嘅經驗又激起我做蛋糕嘅Passion。


食譜來源：hallelujah@yy



* 歡迎２位新成員加入

UCC 雜菜蕃茄湯意粉 ？

中午食過UCC嘅雜菜蕃茄湯意粉, 突然靈機一觸... 翻版一個做晚餐, 雜菜包括茄子, 蘑菇, 玉米, 洋蔥, 蕃茄, 湯底就用左landing soup＋茄膏, 個湯嘅味道無UCC果個咁濃, 但依然好好味道 !! 飯後甜品係咖啡同特濃朱古力百力枝 yummy 。

一人晚餐：洋蔥牛肉炒青菜

是日晚餐: 洋蔥牛肉炒小塘菜, 少肉少油多菜, 依個碟頭飯不過係250個卡路里。無超標, 今日嘅『卡路里銀行』總算收支平行。

香濃咖啡遇上香蕉蛋糕

單食依件香蕉蛋糕可能比較甜(因為我愛小甜與品質無關), 但配以意式特濃咖啡, 簡直係絕配, 太好味啦！好幸福呀！多謝朋友仔嘅出品 ;p　






*Coffee Bean: 哥斯大黎加拉米尼塔(Costa Rica La Minita)

再說一杯香濃咖啡

自從電動磨豆機退左休, Espresso咖啡機就開始放長假, 直至同事推介Fresh（一間專賣新鮮咖啡豆嘅小店）,Espresso咖啡機又要開工啦。Fresh嘅咖啡豆係『即接單即烘焙』, 而且可自選烘焙度。貪新鮮嘅我, 即時訂左部手動磨豆機同２款咖啡豆, 試下依般新鮮豆嘅香濃威力。用左１分鐘時間磨好２個大Ｔ嘅咖啡豆，原來手磨都好好玩，辛苦得來嘅咖啡真係好味D ：P

快樂的一人晚餐...茄子蘑菇意粉

茄子同蘑菇都係我鐘意嘅食材, 前幾日煮過茄子天使麵, 今日再來一個「茄子蘑菇意粉」加上蒜粒同雞湯, 結果...同樣好好味！ 之後, 仲有 Zoe 嘅 Framboise 做 Friday sweet treat, 同埋 earl grey tea. So sweet...life is wonderful!






材料：
茄子半條, 切條
蘑菇8粒，切片
意粉1人份量
蒜頭6粒,切粒
雞湯
意大利香草
黑椒
鹽

做法：
1) 先用鍋燒熱大半鍋水,水沸後加入意粉,少許油及鹽,煮至淋,盛起用冷水沖洗,備用。
2) 加油落鍋將茄子炒軟,加少許雞湯,黑椒碎及鹽調味,盛起備用。
3) 將鍋燒熱,加油炒香蒜粒,加入蘑菇炒軟,倒入意粉,加少許雞湯,加入茄子,灑上意大利香草及黑椒。

帶子配野米飯

野米有咩好？
有趣嘅係野米(Wild Rice)雖然叫做米, 原來唔係米。野米係一種係水生長嘅草嘅種子, 產於北美, 係印第安人嘅主要食糧。野米嘅外型比白米長兩倍, 係未煮熟之前係黑色, 而煮熟後會變成啡色。除左煙韌之外, 仲帶有Ｄ木頭同茶葉嘅芳香味, 最好係野米嘅卡路里低過白米, 而纖維含量就比白米高, so good!





材料：（2人份）
野米1杯,約200cc
蒜茸3粒
上湯（可用雞湯/菜湯）3/4杯，水1/4杯（合共係野米份量嘅１倍）
帶子6粒
西蘭花1個

做法：
1) 將鍋燒熱加少少油炒香蒜茸, 將野米,上湯同水加入鍋內,水沸後轉小火。須煮約50分鐘, 熄火焗15-20分鐘。
2) 帶子用Kitchen paper 吸乾水粉, 將鍋燒熱加油, 煎香帶子，上碟，食得啦！

茄子天使麵

紅酒中我最愛 Pinot Noir, 這種提子比較淡口, 可配海鮮, 肉類, 很百搭。琴晚開嘅Frei Brothers, pinot noir 還有1/3, 今天要清除它了, 煮個茄子天使麵做午餐, 應該很襯吧。



材料：
茄子１條, 切片
蕃蔔１個, 去皮切粒
天使麵２人份量
蒜頭１個,切粒
雞湯少許
意大利香草

做法：
1) 先用鍋燒熱大半鍋水, 水沸後加入天使麵, 少許油及鹽, 煮約2分鐘, 盛起用冷水沖洗，備用。
2) 將茄子加油炒軟, 加入少許黑椒碎及鹽拌勻, 備用。
3) 將鍋燒熱, 加油放入蒜粒炒香, 加入蕃蔔粒和雞湯, 倒入天使麵, 雞湯收乾, 灑上意大利香草即成。

2009 Valentine's Day

祝願人人『愛』得簡簡單單, 開開心心, 情人節快樂！

Wine：Frei Brothers, Reserve 2006, Pinot Noir
西班牙黑橄欖
黑醋雜菜沙律
煎羊排
Sweetest moment: Zoe Framboise 情人節版 (Rasberry Mousse Cake)

芝麻湯圓＠元宵

元宵佳節又點少得人月倆團圓嘅『月亮』同『湯圓』呢，一面望住個月亮, 一面食湯圓, 團團圓圓, 為52年來最圓最大嘅月亮 Cheer :)

湯圓皮: 糯米粉1杯, 冷水大約1/2杯
餡料: 芝麻醬

做法可看這里

*雖然比起第一次有進步, 但外形唔夠好, 下次再努力！

臘腸排骨煲仔飯

愛人多年前係日本買番嚟嘅鐵煲仔“南部鐵器”近日大派用場, 成為我煮煲仔飯嘅好幫手, 試左好幾次, 依家巳經『人』『煲』合一, 煮到有飯焦香嘅煲仔飯啦。




材料: 臘腸/排骨
醃料: 生抽/糖/豆粉/鼓椒/蒜

1)排骨用醃料醃半小時
2)米洗淨放少少鹽,大火煮至快干水,將臘腸同排骨放在飯面,
3)轉小火,煮約15-20分鐘,聞到飯香就OK,鍾意多Ｄ飯焦可以用大火煮多3-4分鐘,但小心過焦！
　

生日快樂：大理石Cheese Cake

今日初七,『人日』, 人人生日。祝大家身體健康, 心想事成, 開開心心! 生日當然唔少得『生日蛋糕』啦, 我的最愛 Cheese Cake, Happy Birthday to ALL :)

個蛋糕升啊升啊, 完美咁升升升, 好彩無裂, 哈哈哈, 個咖啡大理石面好香呀，I'm loving it!

"4吋" 咖啡大理石Cheese Cake, mini size最啱２人世界

材料：
忌廉芝士　。。。120g
牛油(溶)　。。。25g
糖　。。。20g
蛋　。。。1 個
檸檬汁　。。。1茶匙
即溶咖啡粉 。。。1/4茶匙

做法：
(1) 先將蛋糕模掃上牛油加麵粉備用
(2) 忌廉芝士和糖一起打至沒有糖粒便可加蛋，蛋分2-3次落，每次2分鐘
(3) 取芝士糊1茶匙, 加入即溶咖啡粉拌勻留用
(4) 將（2）加檸檬汁，最後加牛油，用手攪至混合，倒進蛋糕模內
(5) 將（3）加入（4）中, 用小尖刀或牙籤在咖啡糊上畫線
(6) 焗爐預熱180度，用180度、約焗25分鐘

新一年新開始

Quickpwn vs Pwnage
新一年新開始, 人要進步電話都一樣, 今日決心將部 2G iPhone 從 1.1.4 升級至 2.2, 先用網友推介嘅Quickpwn 去jailbreak, 以為出現個菠蘿同隻貓(ihaz success!), 一Tick過咁順利, 點知升級之後打唔到電話, 個Program認錯個電話係iPod, 真係激死人啦啦啦啦啦！今日山谷又有回音啦啦啦啦啦！

洗濕左個頭都要吹番乾家, 從新再做一次確定無做錯嘢, 明明跟足步驟都係唔成功, 唯有試下第二個jailbreak program, 用個煩Ｄ嘅 Pwnage, 終於成功啦 果然係失敗乃成功之母，哈哈哈哈哈！
Upgrade完順手做番幾張新牆紙嚟幾米一下

2009 第一爐

年初三赤口, 最好少說話多做事, 開爐焗餅是個不錯嘅選擇, 過年要意頭好, 第一爐當然不容有失啦, 做個十拿九穩嘅biscotti, 加上個『步步高升』做型, 希望今年事事順利, 開開心心！