上湯蒜子浸皇帝菜

同甘共苦... 如果有得選，誰會想共苦？

t-robot 喜歡吃春菊，就是愛它味濃。收到姐夫電郵給我的食譜，在還有春菊的4月份，做了個合時菜式『上湯蒜子浸春菊』，簡單好味 。

海草雙色冷麵

今晚雙管齊下，吃得輕盈點，為自己做了個低卡晚餐『海草雙色冷麵』，好味又建康。

伯爵橘子茶曲奇

今次試用『伯爵橘子茶』來做，其實味道跟『熱情果茶』差不多。這個食譜牛油份量少一點, 加上有茶的香味，吃起來無咁“漏”，咁就無咁guilty啦！朋友仔食過都話好，YEAH！

最近發『花癲』, 做印模曲奇當然要用花形模，希望靚女們都鐘意。

榛子朱古力醬

Cupcake 愛酸味, 她的愛人愛甜味, 要迎合兩人不同的口味, 我特意為他做了這款『榛子朱古力醬』, 希望他喜歡 ：）

榛子醬 ... 45克
特濃可可粉 ... 30克
奶粉 ... 50克
黃糖 ... 45克
牛奶 ... 90克

植物油 ... 0.5 湯匙
原粒榛子 ... 35克

玻璃樽預備功夫：
用大沸水煮玻璃樽幾分鐘, 再放入爐用130度加熱10分鐘, 焗乾玻璃樽, 拿出放涼。

榛子預備功夫：
用160度烘榛子約20分鐘至脆，然後去衣。

可用木桿將焗好的

榛子整碎。

做法：

1）將可可粉, 奶粉和糖放入煲內拌勻。
2）加牛奶及植物油加入煲內拌勻, 再加入榛子醬拌勻至軟滑。
3）用中火加熱, 邊煮邊攪拌防黐底, 直至朱古力醬微滾及變得稠身即熄火。

4）榛子碎加入

朱古力醬中

拌勻，即可將

朱古力漿入玻璃瓶。

檸檬薏米水

一個黑, 一個白, 黑的解毒, 白的潔淨，你愛那一個呢？

白的做法：

薏米 ... 1量杯

水 .... 2000 ML

冰糖 ... 適量

檸檬皮 ... 一個

1）薏米洗淨, 用水泡30分鐘。

2）將水和薏米加入鍋中, 煲至水滾，轉小火煲30分鐘, 加入適量的冰糖, 煲至冰糖溶了, 關火加入檸檬皮, 焗15分鐘。喝的時候可隨意加入檸檬汁。

＊黑的做法

潤喉清熱羅漢果水

有日與幾個友人吃飯, 當中一位靚太向我們推介『羅漢果水』。羅漢果水有潤喉, 潤肺, 清熱的功效, 四季皆宜, 常飲非常有益。回家後上網找找, 原來羅漢果有助排毒, 去色班, 減肥, 對糖尿病, 胃痛, 高血壓, 便秘等等的問題也有舒緩作用。一個小小的羅漢果, 其功效之多使我有點意外。

材料：

羅漢果 ...1個

水 ... 2公升

南北杏 ... 少許 (可以不加）

薑 ... 幾片(可以不加）

做法：

將所有材料放入煲中, 水滾後轉小火煲 30 至 40分鐘, 熄火焗30分鐘, 即可飲用。

小提示：

1）據靚太所說, 如有咳, 可加少許南北杏。如體質屬涼, 可加幾片薑。我個人覺得加了南北杏的味道更佳：）

2）冷飲, 熱飲一樣咁好味。一次可煲2個份量，放入雪櫃飲用數天。

上星期日 TVB 的飲食節目『為食總司令』也推介羅漢果水，“龍皇酒樓” 老板幟哥還在節目中教大家怎樣選羅漢果。點擊這裡收看

遲來的鹹柑桔

鹹柑桔像醇酒, 年份越久越珍貴, 功效也越好, 只要無發霉一樽鹹柑桔可放上幾十年。一般人過左正月十五會將過年擺設用嘅桔仔摘下來醃制鹹柑桔, 而我就。。。見到日本超市有來至鹿兒島嘅溫室柑桔, 心裡在想。。。用日本品種醃制鹹柑桔得唔得？

今次我按照 "So Far 蘇 Good 過牛年“ 節目中介紹的方法來醃制，至於是否成功，就要等一年才可揭盎。2011年3月16日約左你一齊試味啦, 好期待呀：）

我的第一個戚風

戚風, 雪芳, 有什麼分別？我總愛問點解？

朋友仔用行動回應我...做給我吃, 這是去年的事了。今年她再次用行動回應我...教我做, 上星期六我上了一課, 今天要練習一下, 我的第一個戚風終於出爐了。

樣子還不錯, 但鬆軟度跟老師的還有一段距離, 拌麵漿的手勢還要多多練習, 要『戚風鬆』就要『練好基本功』。

太陽蛋吐司

為免膽固醇過高, 太陽蛋只吃蛋白已成我的習慣。今天忽然很掛念這種蛋黃香, 將太陽蛋放在塗上牛油的厚吐司上，加點黑椒成了一頓簡單而美味的午餐。

蛋白杏汁

蛋白杏汁和蛋白杏仁茶有咩分別？ 原來加左白米就叫蛋白杏仁茶，無加米就係蛋白杏汁。今晚為t-robot 預備嘅甜品係蛋白杏汁少甜版，

2人份(小甜版）

==========
杏仁 60g

水 2 杯
冰糖 18g
蛋白 2隻

＊如要做蛋白杏仁茶，加白米 1湯匙

做法：

1）杏仁用冷開水浸3小時，將浸透杏仁放入攪伴機加水1.25杯，用高速打4分鐘。

2）將打碎杏仁到入放了布袋的大碗內，然後用手將杏汁從布袋擠出，直至擠盡杏汁為止。

3）將杏仁渣放回攪拌機，加水0.75杯，高速打3分鐘，重覆（2）。

4）將2和3 擠出的杏汁和勻，如不即用，放入冰箱保鮮。

5）將冰糖搗碎，將杏汁放入小鍋內，加入冰糖，置中火上，不時攪拌至杏汁燒開，改用小火。

6）將蛋白加入，邊倒邊攪至加完為止，關火，加蓋，焗1分鐘。

焗日本甜薯

大減價又來啦。。。11月嘅 SOGO Thankful Week, 今次買到又平又生鮮嘅日本蕃薯, 用焗薯粒方法做蜜味甜薯, 焗好後加入蜜糖同黑芝麻, 個皮香脆個心又軟又甜, 好好味啊！

露筍黑豚肉卷

新菜上市：香煎露筍黑豚肉卷。

材料和調味同樣簡單，只得露筍﹠黑豚肉，為了保留黑豚肉嘅原味，只加少少海鹽﹠黑胡椒調味。

久遺了...唧花曲奇

愛過, 瘋狂過的, 今天看見這個金罐, 樣我再次想起你『唧花曲奇』。

Double Espresso Cookie : 用了12g 咖啡粉代替低筋粉，做了這款非一般的咖啡曲奇，跟 90% dark chocolate一樣，不是人人能接受，但我就好鍾意。

* 一定要睇實, 好易焗過嚨。180度, 焗10分鐘, 轉150度, 焗8分鐘, 停火後再焗2分鐘。

* 一爐不可焗太多件，曲奇之間留足夠空間。

麵醬排骨釀小南瓜

“蒜頭豉椒蒸排骨” 除了簡單易煮更是愛人所愛, 所以每星期總會煮一次。雖則食的人不厭, 煮的欲厭了。今晚幫它來過大變身, 變變變, 變成麵醬排骨釀南瓜。將排骨放入日本小南瓜里一起蒸，南瓜吸了肉汁後非常美味 ：）

香煎比目魚 ＋ 意大利燴飯

2件手掌咁大, 產至加拿大嘅比目魚(halibut) 只售29元, 這種魚只得一條大骨, 正合我意, 加入蒔蘿來香煎, 配義大利燴飯, 就成為我今晚嘅『一人晚餐』。

義大利燴飯

＊＊＊＊＊

材料：義大利米, 洋蔥, 蒜蓉, Parmasean Cheese

調味：雞湯, 水, 鹽, 黑胡椒, 白酒

1）用橄欖油炒香洋蔥和蒜蓉，將米加入鍋里，加白酒，炒一下。

2）加雞湯和水，轉小火，中途攪拌，煮約15﹣20分鐘。

3）加鹽和黑胡椒調味, 最後加入 Parmasean Cheese拌勻, 關火, 加蓋燜2-3分鐘。

洋蔥牛肉飯炒底

醉翁之意不在洋蔥炒牛肉, 今晚嘅主⻆係金包銀炒飯。昨晚特意多煮一點飯留待今晚用, 經過上次失敗嘅經驗, 今次終於成功了。個飯炒得乾身而且粒粒都有蛋漿包住，so good!

陳皮燉雪梨

天氣開始乾燥，飯後做左個清甜滋潤嘅陳皮燉雪梨俾 t-robot 享用，做法非常簡單。

材料：1人份

＊＊＊＊＊＊

陳皮1／2角，切絲

雪梨1個，去皮，去芯

冰糖 18g

水 130g

檸檬 1小角 （加入檸檬可使雪梨保持雪白）

做法：

將所有材料放入燉盅燉1小時30分鐘。

百里香檸檬燒雞

跟 Jamie Oliver 做了這個燒雞，味道不錯，可惜家中沒有新鮮香草，否則應該更好。 食譜按這裡

Belated Birthday Party for Iris

８月的壽星女揀了這間『不歡迎外來食物』的伽倻韓國餐廳, 食物質素OK, 但切蛋糕要俾$100, 所以我做了『香蕉朱古力cupcake』讓她帶回家, 生日蛋糕變成她的 Saturday breakfast, 還好這個cupcake 跟咖啡應該很配襯。Hope you like it!!

芒果雪芭

tRobot係一個好傳統嘅中國人, 只係飲食方面, 西式甜品唔係他杯茶, 抹茶布丁除外, 但就勁愛雪糕。為了討其歡心, 辛苦Ｄ自家做雪糕 ... 其實, 係我怕肥至真, 自家雪糕最好係可以少甜, 而且仲可以做唔同味道，i Love Sorbet。

芒果雪芭食譜（減甜版）

＊＊＊＊＊＊＊＊＊＊＊

鮮芒果（菲律賓芒果) ... 530 g

糖 ... 20 g

水 ... 50 cc

檸檬汁 ... 30 cc

魚膠片 ... 4 g

食譜改至“我愛冰淇淋”, Page 26

Belated Birthday Party for RC

是次party安排得比較趕, 只可為2位細小姐預備簡簡單單的朱古力cup cake, 上面加了個crispy chocolate strawberry 作裝飾, 希望小姐們有得食又有得玩, 所以蛋糕面預留位置比她們做創作。

Belated birthday party for RC at King Ludwig

Sunday Brunch @ Home

簡簡單單的一個 Homemade Sunday Brunch, 紅葉生菜配和風沙律汁，無花果松子仁沙律走汁，巴馬火腿配蜜瓜，南瓜湯。。。

隨你鍾意

今晚忽然想吃西餐, 又想吃日本菜, 終於 t-robot賜我一隻出奇蛋, 一次過滿足我2個欲望, 放工後他到『我的最愛超市』買食材，一邊推著購物車一邊跟我通電, 需要的食材很快就買斉了, 依個係我常用嘅『遙距購物』方式 ... 快, 靚, 正，Thanks, YOU! 在家吃最好就是, 喜歡中西合璧又得, 西日合璧都可以, 最好係『隨你鍾意』。

是日晚餐： 松子仁無花果沙律 (Joy to the Kitchen) , 日本清酒煮蚌湯 (和三昧鐵板廚師), 羊扒配薯角 (Jamie Oliver@NOW TV)。個蚌湯真係好好味, 好鮮甜, 差不多每次我都會order依個湯, 廚師會用一個錫紙鍋放係鐵板上面, 加入日本清酒, 酸片, 大蔥﹠日本蚌, 煮一陣, 等蚌開口, 跟住用『明火』燒走清酒。

Mango & Passion Fruit Smoothies

我唔係芒果愛好者, 只因芒果同熱情果嘅味道好襯, 一個香甜, 一個酸甜, 加起來就係又香甜又醒胃嘅味道, 係個唔錯嘅消暑沙冰, cheers !

燕麥包 & 老麵

被 “Joy to the Kitchen” by Rachel Yau 這本書嘅靚相吸引, 又再次做包啦。今次我揀左燕麥包, 因為依款包要用包籃做型, 咁就有機會用４月係日本買番黎嘅包籃啦, 好期待個包出爐。自從開始左17小時麵包後, 老麵已有一段時間無再採用, 為免又要四處找做老麵的比例, 都係馬上做個紀錄先：

老麵材料：(50g x 5個)

高筯麵粉 ... 150g

水 ... 100g

新鮮酵母 ... 6g

海鹽 ... 0.5g

＊麵團發酵2－3小時 (今次只需有1個份）

個包出爐啦，樣子都OK, 不過好唔好味呢？明早就知道 ...

鮑魚雞煲翅

依個鮑魚雞煲翅係 t-robot 嘅作品, 不過我都有幫手, t-robot 係廚房搞左半日...材料包括1磅翅, 1隻雞, 6隻鮮鮑魚, 同用左成『擔』心機煲, 當然係好好好好好好好...味啦。

今晚好好餸, 除左有鮑魚雞煲翅, 仲有 t-robot 拿手嘅『香煎英䱽』, 同『上湯浸勝瓜』。不過無影相因為太好味，只掛住食 :p

Strawberry sorbet

今日睇527學左整sorbet, 原來依款甜品咁易做, 同整smoothie差唔多, 都係將材料切粒後放入攪伴機, 攪攪攪...之後放入雪櫃, 約個零鐘攞出黎用支叉, 叉叉叉..., 整Ｄ空氣入去, 跟住再雪一陣, 咁就食得啦。 如果有雪糕機就更easy, 將攪完嘅東東放入雪糕機攪20分鐘, it's ready to serve　:)　

材料：
士多啤梨 ... 340克
檸檬汁... 1茶匙
橙酒 (Cointreau) ... 1/8 杯
橙蜜糖 (Orange Blossom Honey) ... ２湯匙