第二次湯種 - 北海道牛奶吐司

買到吐司模了！做了第一個吐司，不過跟「花面貓」一樣，都是好睇唔好食，我想是發酵做得不好，那湯種凍了。。。效果沒第一次那般鬆軟。






　

花面貓﹣Hello Kitty (2)

唔服氣，再做一次，不過改用另一個食譜 (下文），今次成功啦！

食譜: (5塊 )

牛油 54g
糖粉 30g
榛子粉 30g
蛋 18g
低筋粉 90g

1) 牛油室溫軟化後打勻後, 加入已篩的糖粉和榛子粉
2) 再加入蛋後打勻 (分2次加入牛油中)
3) 最後加入已篩的低筋粉, 拌勻至無粉粒便可, 不要過份攪伴。
4) 包好粉糰後，放入冰格雪３小時
5) 用時放室溫回暖一會, 用棍碌至想要的厚度並用曲奇餅模印出
6) 將曲奇放入已預熱的焗爐內，以1８0℃焗約15分鐘

花面貓﹣Hello Kitty (1)

這個花面貓，好睇唔好食，唔夠鬆。。。失敗了！　

Cheese Bar

New York Cheese Cake 的變形版，我做了原味及咖啡味，可惜造形不太四正，原來要將焗好的cheese bar連模放入冰箱雪一晚（我只放入雪櫃）。
下次再試。。。

原食譜來自 Vanlily BreaDessert

第一次湯種 - 北海道牛奶包

看見網上好多人話湯種麵包好食，於是乎上星期去書局買了本６５℃湯種麵包書開始學人做包，第一個實驗品係『北海道牛奶包』。本書教的是北海道牛奶吐司，但我未買到合心水的吐司模，只好做住圓形的包包，做出來的味道真不錯，但外形就要好好練習了。。。:)

材料: (10個）
A) 高筋粉 270g, 糖 43g, 鹽 4g, 快速酵母 6g
B) 蛋 43g, 淡忌廉 30g, 牛奶 30g, 湯種 (熱水 100g + 高筋粉 20g)
C) 牛油 24g

做法:
1) 先混合湯種材料
2) 將材料A&B混合成糰, 加入材料C搓至光身和起薄膜狀.
3) 第1次發酵：麵糰放於溫暖地方(溫度28度, 濕度75%)進行發酵至2倍大, 約40分鐘。
4) 取出麵糰輕壓放氣, 然後分成10等份滾圓。
5) 中間發酵：靜止15分鐘
6) 做形：滾圓
7) 最後發酵：放於溫暖地方 (溫度38度, 濕度85%) 進行最後發酵至2倍大。
8) 180度焗約15 分鐘。

意大利 - 黑糖麥片Biscotti

Biscotti 是意大利語，是餅乾的意思。第一次吃 biscotti 覺得口感好怪，好鬼硬。但它與咖啡極為相配 ，每次在 starbucks 買咖啡時總被放在收銀機旁的它吸引住。最近學人"做餅"才知道 biscotti 好易做，是一款沒有牛油的咖啡餅，加上可以做小甜的，那就吃得安心D健康D啦!
↑第一個 Home Made Biscotti 誕生了。個樣都幾靚仔:p

上１：黑糖麥片Biscotti所需的材料
上２：入爐前的麵團（都幾濕)
上３：焗了一次取出，待切
上４：大特寫

此食譜來自 "小小米桶的寫食廚房"，但我把食譜的黑糖份量減少了15% (從70g 減至58g)，做出來的正合我口味（小甜的Biscotti）。

材料: (這份量約有１６件)

低筋麵粉 (160g) , 黑糖 (58g), 蛋 (2隻) , 原粒即食燕麥片 (40g), 泡打粉 (2茶匙), 杏仁及提子乾 (適量)

做法:
1) 用手動打蛋器將黑糖和蛋攪打均勻
2) 然後用膠刮刀將巳過篩的低筋麵粉, 燕麥片, 泡打粉, 杏仁及提子乾加入混合
3) 把混合好的麵團分2等份，整成長條狀，放入巳預熱的焗爐，用180度焗20分鐘
4) 焗好取出後，等溫度稍微下降，用刀切成長條狀 (大約1-1.5cm)
5) 將切好的平放在烤盤上, 再用160度焗大約15分鐘, 完成!

** 可參考 "小小米桶的寫食廚房"的小提示 !

新煮意

登登登登, 新餸上市!


瑤柱豆豆節瓜湯

材料：節瓜，瑤柱，花生，眉豆，瘦肉。
<-- 忘了今晚有東菇炒蒜芯，撞料。。。

功能：正氣消暑，滋陰潤燥，補充蛋白質，去濕熱。




蠔油冬菇炒蒜芯

材料： 冬菇, 蒜芯。

* 小廚神食譜又多了２位新成員

紐約芝士餅

度過了幾星期連綿不絕的雨天，今天終於放晴了，藍天白雲心情大好。除因天氣外，事關昨晚成功焗了人生中第一個蛋糕，就是我的最愛『紐約芝士餅』。原來做法很簡單，朋友推介 RTHK 的網站。這網站不但提供整餅食譜，更有短片示範每個做餅細節，就是我這個整餅初哥都可輕鬆掌握。



因怕肥, 所以我將網站提供的食譜改了，把糖的份量減少了，做出來的味道剛好。Yummy, yummy.... :p ＊＊第一次就成功都係多得朋友幫忙及指導！　

以下是按我個人口味的recipe, 無咁甜但不減香濃軟滑口感。


材料： (6吋蛋糕盤 )
忌廉芝士　。。。250g
牛油(溶)　。。。50g
糖　。。。40g
蛋　。。。2 個
檸檬汁　。。。1.5 茶匙

餅面材料：:
酸忌廉　。。。50 g
糖　。。。10 g

做法：
(1) 先將蛋糕模掃上牛油加麵粉備用
(2) 忌廉芝士和糖一起打至沒有糖粒便可加蛋，蛋分5-6次落，每次2分鐘
(3) 加檸檬汁，最後加牛油，用手攪至混合，倒進蛋糕模內
(4) 焗爐預熱180度，用180度、約焗35分鐘

餅面製法：
酸忌廉加糖攪至沒有糖粒，便可放在芝士餅面，再放進焗爐用餘熱焗5-10分鐘。

北菇炆海参

材料:　
海參　．．．．１條
北菇　．．．．１０隻
蠔豉　．．．．５隻
葱　　．．．．少許
姜片　．．．．少許

調味料：
老抽　．．．．１1/2湯匙
生抽　．．．．１湯匙
酒　　．．．．1/2湯匙
水　　．．．．１０湯匙

做 法：

1. 海參發好，剖開挖出內臟洗淨，用姜葱飛水，切件，備用。
2. 北菇及蠔豉浸軟，北菇去菇蒂，備用。
3. 用姜片起鑊，（如不想海參太淋，可先炆北菇及蠔豉），放入北菇，蠔豉及調味料，用大火至滾，改用慢火炆１５分鐘，加入海參一起再炆３０分鐘。

愛得自在

愛情是自私的，因為自私所以容易產生嫉妒，不論男或女，有一點嫉妒心是可以理解的。但嫉妒心太強，不但使自己變得可憐，更使自己變得可笑。愛一個人最忌給壓力，愛字中間有個「心」，不要忘記。

愛你所愛，自由自在，自在的愛 !

亞Q精神

人生就是樣樣有，甜酸苦辣無得揀。
無論你在嚐那味，重點是你能享受。
結果不是最重要，過程才是你追求。

增強身體免疫能力: 有錢佬 vs 窮人

今日睇到一篇有趣嘅文章想同大家分享 ，被譽為可延命嘅 "四仙草" 包括靈芝、雲芝、舞茸及蟲草，被坊間號稱可以增強身體免疫能力，即可以防癌。 到底這 "四仙草"是否擁有所說嘅神奇功效 ? 答案是: 可以說有, 也可以說沒有。

其實這四仙草跟冬菇、草菇、雲耳都屬真菌， 同樣有一個叫聚糖 (Glycan) 嘅標記，令免疫細胞一 "看"之下, 馬上知道那些是入侵嘅敵人。因此，在餸菜中加幾隻冬菇可以令免疫細胞打醒精神，但一匙一匙嘅 "精華"，則不但不是健康食品，反而會浪費免疫力，因為淋巴細胞被激起之後，不論是否能找到敵人施展其長 ，最終全部會落得一個自滅 (Apoptosis) 嘅下埸。既然效果一樣，要服食靈芝或是雲耳就全屬個人經濟能力嘅取捨，正如有錢佬可以燒銀紙去煲白粥，煮出來嘅白粥，跟炭爐所煲嘅不會更好味。
節錄至 "信報副刊 - 康和健"

窮人增強免疫食譜: 八方雲耳
(一個簡單方便又好味嘅餐前小吃)

材料: 雲耳 (20 個)
調味料:
八方汁 (1-2湯匙)
芝麻 (少許)
麻油 (少許)
糖 (少許)
水 (1湯匙)

做法:

1) 先將雲耳洗乾淨，浸軟。
2) 將雲耳用水煮沸大約2-3分鐘跟著瀝乾備用。
3) 將所有嘅調味料混和後，加入雲耳中。
4) 放入雪櫃大約半小時，吃時再加些芝麻便可。

太子養生湯

一款老少皆宜，可常飲用嘅湯，我試煲過味道很不錯 :

材料:
a) 類材料
花旗參 (具有補氣養陰、清火除煩之功效)
麥冬 (清熱養陰、潤肺養胃、清心除煩、潤腸通便的功能)
黨蔘 (提神理氣)

b) 類材料
百合 / 淮山 / 南杏 / 蓮子 / 無花果 / 北芪

a) 類是主要材料 ，而 b) 類可任意配搭

加豬展一起煲約2小時即成

冬瓜水

消暑冬瓜水
冬瓜水是一個既平宜又好味嘅湯水，大暑前後媽咪一定用去濕料煲冬瓜水，為家人清熱解毒。其實冬瓜水可以經常飲用，它可清胃去濕，吃過肥膩食物或感到體內燥火都可飲用。女士經常飲更可去水消腫，有助減肥。

材料:

1) 去濕料1包
2) 冬瓜3斤 (最好是冬瓜頭， 因為有較多冬瓜皮)

做法:

1) 用清水洗一下去濕料

2) 將冬瓜切件，不要去皮

3) 煲 1小時便可

4) 放入雪櫃作冰飲更清涼

* 不防在今年大暑(7月23日)煲個冬瓜水孝敬媽咪!

我愛南風

藍天白雲再現香江 （拍攝日期: 2007年 7月9日）

是關近日一直吹南風，吹走從珠三角飄過來的工業黑煙，香港人又可享受一下奢侈嘅"藍天白雲"和美麗嘅維港景色。 南風我愛你!

綠茶有多好 ?

今年嘅夏天特別熱，晚上嘅氣溫仍保持30多度，地球先生病得越來越嚴重了。天氣咁熱躲在家中看書聽歌係最佳嘅消暑節目，平日出街總喜歡係 7-11 買"伊藤園綠茶"，喜歡它濃濃的綠茶味，在家一於自家做綠茶，因為人人響應環保，我都不例外用少D膠樽啦! 最近在吉之島買了"福壽園濃味綠茶"，包裝上寫明茶味濃及加入抺茶粉，所以應該錯不了。果然好好飲，味道跟伊藤園很似，以後不用在supermarket買"現成"膠樽綠茶了，一於為"地球先生"做點事。


綠茶有多好 ?
綠茶係未發酵嘅茶，龍井、碧螺春等都屬綠茶。日本、英美等多國研究證明，綠茶具有降血糖、預防糖尿病、抗癌防癌、抗氧化、降膽固醇等作用。原來未經發酵嘅茶可保留茶多酚，茶多酚係抗氧化劑，主要是兒茶素，可預防及控制癌症，更可預防心臟病。

綠茶具多種功效，其製作過程是關鍵:
綠茶又含有氨基酸，可殺菌、抗菌，對治療過敏症甚有功效。綠茶本身更能加速脂肪燃燒和新陳代謝，有消脂作用，因而深受女士歡迎。有茶道專家表示，綠茶要以約85度嘅水泡，才可保持最佳的綠茶元素及維他命C﹔若用玻璃製的茶具飲用，茶的味道及功效會發揮得較好。

自家製豆漿

豆漿 有益好味, 多飲不但防止骨質疏鬆症, 更可防止乳癌 !
追求健康嘅我平日最鍾意去 Park'n Shop 買加拿大 Sunrise 出品嘅"豆漿皇", 我愛它無加糖, 而且採用了非基因改造嘅黃豆, 那就飲得安心又放心啦! 但唔知點解最近 Park'n shop 再無入貨，所以只好去 Citysuper 買 "博多屋豆漿", 因為這個品牌嘅豆漿日日新鮮製造, 豆味香濃, 並且提供無糖口味, 係 keep fit 一族嘅最佳飲品, 但成日無貨, 所以我決定自家製 。於是係 Citysuper 買了包日本進口嘅北海道黃豆, 試下自己做豆漿。

材料及工具:
1) 北海道黃豆
2) 水 (水和豆嘅比例約 4: 1，鍾意濃味Ｄ可減少水嘅份量）
3) 攪拌機 (最好有 filter， 咁就無須用布袋來濾渣)

做法:
1) 黃豆洗乾淨, 浸水大約8小時 。

2) 浸好嘅黃豆好得意, 粒豆變大咗１倍

3) 將浸黃豆嘅水去除, 將黃豆和大約2份嘅水放入攪拌機打碎。因為要打碎黃豆必須加點水, 如係一個飯碗嘅黃豆，加入攪拌機嘅水約係2飯碗就夠。

4) 將Filter好嘅生豆漿放進高身嘅煲裡煮, 加入另外2份嘅水, 先用中火煮至滾, 然後轉小火煮15分鐘。但小心燒焦，要不時攪拌一下，另外千奇唔好用煲蓋，因豆漿一煮滾便很容易瀉。

拍攝家庭日記

今晚無意間在網上發現一個日本人嘅家庭日記 ダカフェ日記，攝影師爸爸從2002年開始拍攝一家人嘅生活點滴，主角包括他的妻子、女女、仔仔及狗狗，裡面嘅相片好有感染力。雖然我不懂分析他的拍攝技巧如何，但從相片可感受到他們一家嘅快樂、溫馨及寧靜生活，我想這應是攝影師爸爸最想表達的了。

P.S. : 從相簿中你會發現這一家人是 Apple Fans, 他們擁有很多不同年代嘅 Apple 產品，就連最新的 iPhone 都有，真係羨慕死人啦 !
* 我很喜歡以上這張相片

情人節禮物

轉載今天《信報投資者日記》其中一段 : 有人話，如果你把情人視作"太太"，你遲早失去呢位情人 ; 反之，如果你視太太為"情人"，你便擁有一個幸福家庭。有D女性係奢侈品，係大部份男性夢寐以求嘅對象，希望追到及擁有，傲視同齊 ; 不過，激情過後，往往發現並非心中所愛。有啲女性係日用品，佢喺你身邊之時從來唔覺得佢珍貴；有一天佢離開咗，才發現原來佢才係你心中所愛，一天都不能缺少。 如每一個女性都希望自己成為心儀男性嘅焦點，享受被重視嘅感覺。作為男性，如果能夠喺情人節當天做少少事，例如一朵玫瑰或一盒朱古力，甚至一件蛋糕，送畀願為你而過平平淡淡生活嘅太太，你巳經係佢心目中嘅大情人。願天下男性喺情人節個日，給你平凡嘅太太或愛侶一個唔平凡嘅驚喜。一位老讀者對我老曹講，佢喺情人節嘅願望，係七十多歲嘅丈夫响耳邊講《我愛妳》，而唔係千萬元市值嘅豪宅。

情人節禮物 :
最重要喺表達你對她嘅愛，而不是禮物本身嘅物質價值。只係一句《我愛妳》巳勝千萬元市值嘅豪宅，情侶們請別再浪費金錢，快跟愛人說句『 I Love YOU』 。祝大家情人節快樂！

愛滿蘿蔔糕

每年嘅春節媽咪都會為我地親手做蘿蔔糕，而且她會按各人嘅口味在蘿蔔糕中加入唔同嘅材料，因此每個蘿蔔糕都獨一無二。今晚我就忍不住吃了媽咪親手為我做嘅《瑤柱蘿蔔糕》，無論口感同味道都一流，跟平日在酒樓吃到嘅大不同，絕對可比美蔡瀾推薦嘅《華麗園年糕》，因為媽咪做嘅蘿蔔糕當中加了無限嘅愛。

希望媽咪身體健康，每年都可以為我們做《愛滿蘿蔔糕》 !

家常便飯

一向無須煮飯嘅我，無想過要學做亞四，自小媽咪下令唔准入廚房，唔知怕我地危險，還是怕我地偷食。 所以家姐細妹都唔識煮飯，結果婚後都是男人煮飯，女人洗碗，或者外出吃飯 。可是，出外吃飯總是多油多鹽多味精，我真的吃怕了。所以我決定學《煮飯仔》，反正時興玩《 煮飯媽媽 》這個 Game，其實煮飯仔都幾好玩，只要材料新鮮煮得好味不困難。

<-- 我會做好呢份工，唯有五點九就鬆，趕去街市買齊蔥，回家落妝快煮餸 ，這是我嘅新菜《臘腸排骨煲仔飯 》!

草蜢 07 Forever 演唱會

雖然我們不是草蜢 Fans，但聽說他們的 06 演唱會非常好，於是就訂飛睇他們的 07 演唱會第二埸。開場時 Fans 們的情緒已經很高漲，前排的起身又叫又跳，全場大玩人浪，氣氛確實不錯。

可惜在我前面那兩個六呎高的大隻佬Fans 像門神一樣，阻礙了我的視線，全晚我只可在他們中間「偷窺草蜢」，所以是有點掃興。對我來說整晚的高潮是關淑儀和草蜢合唱 So Sad 那部分，他們大跳貼身舞，更不時互相撫摸，充滿了官能刺激。

窩心

在人生嘅旅途上，你或多或少總會遇到一些令你窩心嘅事，有些只係小事一樁 : 一個陌生人在滂沱大雨時，向你遞上雨傘，這樣嘅小事可能令你窩心幾天，當中自然少不了使你窩心一世嘅回憶：

愛侶之間：打開一個放滿食物嘅雪櫃，裡面全是我在超市必買嘅東西，益力多，Tropicana 橙汁，豆漿 ... 是愛人為我預備的。還有，預先做好的 lego 冰冰！

朋友之間：在一個失戀嘅情人節，一個不是我的 Mr. Right 把金沙朱古力掛在我家門外 ... 出門時見到真的很驚喜。

親人之間：在我低潮時，家人為我開了一個難忘嘅生日派對... 還有，在單身的情人節，這張 postcard 給我的溫暖，至今還是暖在心頭。

心情

上星期在家整理書房，打開一個裝滿書嘅紙箱，看到這本被我違忘了的好書。一份在2002年他們一家送我的『窩心禮物』。今天再次翻看，心情卻是大不同。這本『我要我的真情郎』，用了直接方式道出為何女人容易為情所困，因為男和女屬於不同物種，對於感情和交流的需要很不同，這本書正好引領我，找出誰是我的Mr. Right！

首次翻閱時，我對自己說：樣過去的過去吧！

今次翻閱時，我問自己：他是我的Mr. Right？
下次翻閱時，希望我的答案是：就是他！

PS：多謝你們送我的千萬個祝福!

豆漿

多飲豆漿不但防止骨質疏鬆症, 更可防止乳癌!

根據美國癌症研究協會，來自德州University of Texas Medical Branch in Galveston 的研究者盧麗珍(譯音Lee-Jane Lu) 所做的三篇研究論文指出，經常飲豆漿嘅婦女體內女性荷爾蒙雌性素(Estrogen) 與黃體素 (progesterone) 都明顯地降低，我們巳知雌性素嘅濃度過高與乳癌很有關係，乳癌的發展與女性荷爾蒙息息相關。

研究中讓婦女每天飲下約1000 c.c 嘅豆漿，連續達五個月，結果飲豆漿嘅婦女體內雌性素濃度比不飲豆漿者低了30～40％。黃豆中有一種天然的女性荷爾蒙稱之為Isoflavone（異黃酮），它與人體的荷爾蒙很相似，有趣的是，它具有雙重嘅功效，不但能夠占據乳癌的荷爾蒙受（hormone receptor）讓人體嘅荷爾蒙無法刺激乳癌細胞，另一方面也能夠像人體自然的女性荷爾蒙一樣地防止骨質疏鬆症，這種功效和一種抗癌藥物Tamoxifen 極相似。東方婦女通常會食用比西方婦女更多的黃豆，但是隨著飲食習慣西化，年輕一輩的東方女性發生乳癌的機會越來越高，或許這也和黃豆攝取量越來越少有關。

近來, 我就愛上來至加拿大Sunrise 出品嘅"豆漿皇", 我愛它是原味沒加糖, 而且採用了非基因改造嘅黃豆, 那就飲得安心啦!

紅洒

第一次飲紅酒是有點失望, 可能是品質問題, 亦可能飲紅酒確是一種 Acquired Taste, 需要時間學習。紅酒的種類多不星數, 花多眼亂, 而且不同國家出產嘅紅酒會用唔同嘅方法去標籤, 法國, 意大利等會用地區, 加洲, 澳洲, 智利, 等會用提子來分別, 後者的標籤方式對消費者來說較為簡單。未說應如何品嚐紅酒, 就是選購時從 Wine Shop 店員口中巳聽到一大堆很難記下嘅提子名稱, 巳確定飲紅酒是一門高心不過嘅學問!

以下是一些常見提子名稱嘅拼音, 下次 Order Wine 嘅時侯便不用"手指指"了:

Red Wine

1. Cabernet Sauvignon (cab-er-NAY SO-vin-yon)
2. Cabernet Franc (cab-er-Nay FRANK)
3. Merlot (mur-LO)
4. Pinot Noir (PEE-no NWA)
5. Syrah or Shiraz (sih-RAH or shih-RAHZ)
6. Zinfandel (ZIHN-fan-dell)

White Wine

1. Chardonnay (shar-dun-NAY)
2. Sauvignon Blanc (So-vin-yon BLAHNK)
3. Pinot GRIS or Pinot Grigio (PEE-no GREE or GREE-zho)
4. Riesling (REES-ling)

禮物

要選購一件特別的禮物俾你嘅至愛好友，其實唔容易。每次都會攪盡腦汁，四出尋找，希望可以買到一份令人難忘嘅禮物。其實，禮物嘅價值唔重要，最重要係那份『心意』。一個媽咪係生日當天收到仔仔寫俾佢嘅一張生日便條：親愛的媽咪，祝您生日快樂 ⋯⋯

經驗所得最好嘅禮物應該係 『有錢都買唔到嘅』一份心思。

PS：多謝家姐，我嘅Mini依家有甜甜嘅西柚味 :)

愛情神話

感情告終，當然心痛。但要兩個各走極端的人同走一路，實在太吃力，兩者都辛苦了，又何必呢？

網上流傳著一個說法：人類原本跟蚯蚓、海馬一樣，是雌雄同體的。男人與女人密不可分，直到有一天，妒忌精靈硬要將兩者分開，就像把貝殼強行拆成兩瓣。因此，在人生的旅途中，我們總是尋尋覓覓，想找回失落的那一瓣貝殼。有人很幸運，一找就找到了；有人終其一生都在徒勞；也有人，找到了很相似的一瓣，便以為那就是唯一的歸宿。

然而，當大浪打來，那些「很相似」的貝殼始終還是會被分開。因為再怎麼相似，中間依然存在著隙縫，永遠無法像原本那樣嚴絲合縫、完美契合。。

Jazz - Bossa Nova

有一段時間我極鍾意聽Jazz, 無論早晚不停播著 Laura Fygi 嘅CD - Don't It Make My Brown Eyes Blue, Corcovado, Dream A Little Dream of Me, ...
我就是喜歡那種令人愉悅的節奏, 正好配合我這個可選擇在家工作 (work at home) 嘅自由人。其實, 最好係星期六下午, 攤係sofa, 一邊聽jazz, 一邊睇書, 極Relax !!

剛過去嘅星期六, 我本想去HMV買Diana Kroll 隻新碟 From This Moment On, 但去到竟然買佐另一隻, 點解? 因為一來係Bossa Nova, 二來個女歌手聲甜悅耳, 所以 I changed my mind. 隻碟叫 OLIVIA, A Girl Meets Bossa Nova 2, 好好聽, 好清新。特別係第4首 - LOVE, 可以去HMV Website 試聽: http://www.hmv.com.hk/product/jazz.asp?sku=667674

一杯香濃咖啡

唔記得從那天開始我變了"咖啡精", 由飲 Latte, 到 Cappuccino, 至今的 Double, 口味跟年齡一起成長, 越來越濃, 越來越喜歡辛口咖啡。 有一段時間我極愛 Starbucks Coffee 的 Iced Caramel Macchiato 和 Caffe Mocha。 每次路經 Starbucks 總被那陣"咖啡香"吸引住, 最慘係當天Quota 用完, 只好明天再來光顧。

原來一杯香濃咖啡, 背後大有學問, 當中的選豆, 烘焙, 冲泡, 都要配合得宜。其中, 以烘焙最為重要, 因為這步驟大至決定了咖啡的味道。 烘焙咖啡豆的方法可分為輕, 中, 深三種。"輕焙"的咖啡豆酸味會較重, 而"深焙"的咖啡豆酸味會隨著烘焙過程逐漸消失, 而味道越苦。另外, "咖啡因"的含量會較中焙咖啡豆低一半, 因為"咖啡因"會在烘焙過程中慢慢流失，所以越深焙的豆，其咖啡因的含量會越低。

Oh, 係時間講下冲泡咖啡了, 要炮製一杯香濃咖啡, 精髓在於咖啡豆是否新鮮即磨, 我試過買到新鮮上架的UCC 咖啡豆, 加上即磨即泡, 在家也能自炮一杯翻版UCC 咖啡。

奢侈的藍天白雲

從小我就討厭下雨, 最怕濕淋淋的感覺, 好友叫我"天氣小姐", 我的心情指數往往會因下雨巳大跌。但最近我對下雨卻有新體會, 大雨過後是藍天白雲, 空氣清新, 下雨比空氣污染好得多, 我開始喜歡下雨天, 希望雨水會洗淨令人窒息的廢氣, 還我清新香港。

2006 沙巴之旅 - 夕陽無限好

原來呢間酒店最大嘅賣點，就係呢個夕陽景色。

臨近傍晚時分，我哋喺酒店嘅草地上，一邊飲紅酒，一邊欣賞嗰個金光燦爛嘅夕陽，真係太靚、太震撼。至於「夕陽無限好」後面嗰句係咪「只是近黃昏」，其實全憑心情。對當時嘅我嚟講，心入面完全無憂愁，只有極之輕鬆愉快嘅感覺。雖然喺香港偶爾都會見到日落，但景色往往被高樓包圍；難得呢度四野無人、無物，可以靜下心嚟慢慢欣賞。

相信呢次沙巴之旅最令我難忘嘅，就係呢抹金黃色嘅夕陽！